Búgin Parlament Májilisiniń Spıkeri Nurlan Nyǵmatýlınniń tóraǵalyǵymen Palatanyń jalpy otyrysy ótip, depýtattar «2018 - 2020 jyldarǵa arnalǵan respýblıkalyq búdjet týraly» zań jobasyn maquldady dep habarlaıdy Qamshy.kz aqparat agenttigi.

Parlament pen Úkimettiń ókilettigi kúsheıtilgen konstıtýsıalyq reforma talaptaryn negizge ala otyryp ázirlengen zań jobasy qyzý talqyǵa tústi. Depýtattar ásirese, mejeli maqsattardyń sońǵy nátıjesine aıryqsha nazar aýdardy. Óıtkeni, tıisti baǵdarlamalar men jobalarǵa jetkilikti qarjy bólingenmen, onyń tıisti deńgeıde júzege asyrylýy kóptegen suraqtardyń týýyna sebep bolady. Halyq qalaýlylary osy baǵytta birqatar máselelerdi alǵa tartyp, naqty usynystary men pikirlerin jetkizdi. Onyń barlyǵy úsh jyldyq búdjetti maquldaý barysynda esepke alyndy. Qorytyndylaı kele, Májilis Tóraǵasy:  

-Sonymen biz, elimizdiń negizgi qarjy qujaty  - úsh jyldyq búdjetti maquldadyq. Bul elimizdiń turaqty damýy jolynda Parlamenttiń de,   Úkimettiń de atqaryp kele jatqan eń jaýapty,                 eń mańyzdy mindetteriniń   biri. Sondyqtan,  biz birlesip,   Elbasymyzdyń tapsyrmalaryn basshylyqqa alyp, memleket qarjysyn tıimdi paıdalanýymyz kerek,-dedi.