18 qazanda Beıjińde Qytaı kompartıasynyń 19-shy sezi ótti. Búkil halyq demin ishke tartyp, sıeze talqylanatyn máselelerdiń sheshimin kútýde,- dep habarlaıdy Qamshy.kz aqparat agenttigi. Bul sheshimdi júzege asyrýǵa álemdegi eń iri saıası partıa bolyp esepteletin 80 mıllıon múshesi bar partıalar kúsh jumsaıdy.
Ortalyq Kompartıany Sı Szınpın basqarǵan ýaqyttan beri tek bes jyl ǵana ýaqyt ótti. Bes jyl degen túk emes bolyp kóringenmen, osy ýaqyt aralyǵynda QHR-da qanshama ózgerister oryn aldy deseńizshi?! Keıbir elder budan da uzaq merzimde bir orynda turaqtalyp tur. Ǵarysh salasyndaǵy buryn sońdy bolmaǵan jetistikter Qytaıdy ózge álemdik derjavalardan daralap tur. Bul týraly oı qozǵaǵanda esimizge tek Gagarın men Koroleva ǵana oralady. Qytaıdyń da óz Gagarıni, Tereshkovasy jetip jatyr.
Qytaıdyń jer betindegi jetistikterin áńgime eter bolsaq, joǵary jyldymdyqtaǵy jolaýshy tasymaldaıtyn poezdary álemdi jaýlap alǵaly qashan. Qytaı ınjenerleri men kópir salýshylaryna keler bolsaq, tipti óte bıik taýlardyń ústinen kólik joldary men temir joly ótetindeı etip jasap qoıǵan. Mıllıardtaǵan halqy bar bolǵanyna qaramastan, Qytaı robottardy jasaýdan aldyńǵy orynǵa shyǵyp ketken. Jumys qoly jetip-artylatynyna qaramastan, qytaılyqtar bolashaqta ǵylym, tehnıka jáne elektrondy qurylǵylar álemdi basqaratynyna kúmán keltirmeıdi. Sondyqtan qazirdiń ózinde Qytaı mýltımedıa salasynda top jaryp keledi.
Avıasıa jáne teńiz floty Qytaı ekonomıkasynyń basymdylyǵynan tys qalǵan emes. Buryndary tekstıl men álemdik oıynshyq fabrıkasy bolǵan Qytaı búginde álemdegi sanaýly ǵana elder shyǵara alatyn jańa qurylǵylar jasaýdan kósh basynda tur.
Árıne, bul oraıda Qytaı jetken jetistikterdi aldyńǵy tolqynnyń kúshinsiz oryndaý múmkin emes ekendigi anyq. Besinshi tolqynnyń qytaılyq basshylary óz elin jańa belesterge jeteleýde, ol asýlardy áli úırenip, baǵyndyrý kerek.
Qazirgi kezde ótip jatqan qytaı komýnıserniń 19-shy sezi qytaılyq ereksheliktegi sosıalızmniń damýyna áser etetin óte mańyzdy otyrys bolyp esepteledi. Qytaılyq ereksheliktegi sosıalızm 40 jyl burynǵy ashyq esik saıasatynan keıingi qoldanystaǵy tájirıbe.
Sı Szynpın búkil halyqty «eki júzjyldyqqa» arnap jasalǵan jospardy oryndaý maqsatynda jumyla áreket etip, qulshynys tanytýdy surady.
Dmıtrıı Vladımırov
Qytaı jónindegi maman, mámileger jáne jýrnalıs
