Qutqarýshylardyń kásibı merekesine oraı ótken is-sharada tilsiz jaýmen kúresip, 2 adamnyń ómirin aman alyp qalǵan aǵa órt sóndirýshi-qutqarýshy Danıar Muhamedjanovtyń erligi erekshe atalyp  ótti, dep habarlaıdy Qamshy.kz aqparat agenttigi elorda ákimdiginiń medıa ortalyǵyna silteme jasaı otyryp.

Búgin, 19 qazanda Qutqarýshylar kúnine arnalǵan saltanatty jıyn barysynda «Saryarqa», «Esil» jáne «Almaty» aýdandarynyń ákimderi Tótenshe jaǵdaılar basqarmalarynyń qyzmetkerleri men órt sóndirýshilerdi kásibı merekesimen quttyqtap, jankeshti qyzmeti men tótenshe jaǵdaılardy joıý kezindegi erligi úshin shynaıy alǵysyn bildirdi.

«Aǵymdaǵy jyl EKSPO-2017 halyqaralyq mamandandyrylǵan kórmesin ótkizýmen este qaldy. Sizderdiń mindetterińiz EKSPO-2017 kórmesin ótkizý kezeńinde yqtımal tótenshe jaǵdaılarǵa ýaqytyly den qoıý, órt qaýipsizdigin sapaly qamtamasyz etý bolatyn. Birlesken jumys pen kásibıliktik arqasynda Siz aldyńyzǵa qoıylǵan mindetti abyroımen oryndadyńyz», - dep toqtaldy «Esil» aýdany ákiminiń orynbasary A.Qaıyrjanov.

«Departamenttiń jeke quramyn, azamattyq qorǵaý organdary men bólimsheleriniń ardagerlerin kásibı merekesi – Qutqarýshy kúnimen quttyqtaımyz! Sizderdiń qashanda jedel, naqty jáne úılesimdi áreket etetinderińizge, kásibı sheberlikterińiz, bilimderińiz ben kúshterińiz adamdardyń ómirin qutqarý ıgi isinde qyzmet etetine senimdimin», - dedi ol.

 Jıyn qorytyndysy boıynsha aýdandyq TJB jeke quramdaryna alǵys hat tabystaý rásimi ótti.