Aǵzamyzda toqtaýsyz túrli prosesterdiń júrip jatatynyn bilesiz be? Al onda qandaı da bir «aqaý» bola qalsa, ony dereý retke keltirý úshin aǵzamyz bizge habar berip, kómek suraıdy. Eger de sol kómekti ýaqytyly kórsete alsańyz, densaýlyǵyńyz da myqty, kóńil kúıińiz de kóterińki bolmaq. 
Teriniń qurǵaqtyǵy 
Bul aǵzada E dárýmeniniń jetispeýshiligin bildiredi. Onyń ornyn toltyrý úshin kúndelikti as mázirine jańǵaq, maıly balyq pen ósimdik maıyn qosyńyz. 
Shash pen tyrnaqtyń synǵyshtyǵy 
Bul aǵzada V dárýmender toby men kálsıdiń azdyǵynan habar beredi. Al olar dándi daqyldar men botqalardyń quramynda molynan bar. 
Qyzylıektiń qanaýy 
S dárýmeniniń jetispeýshiligin ańǵartady. Al ol pıaz ben sarymsaqtyń, jemis-jıdekterdiń quramynda kóp kezdesedi. 
Uıqysyzdyq 
Magnıı men kalııdiń azdyǵy saldarynan bolady. Bul mıkroelementter saryórik, abrıkos, qaraórik pen qyzylshanyń quramynda jetkilikti. 
Aıaq-qoldyń tartylýy 
Bul da kalıı men magnııdiń azdyǵynan bolady. Joǵaryda aıtqan ónimderdi kóbirek tutynyńyz. 
Shyntaq terisiniń tilimdenýi 
Bul aǵzada A jáne S dárýmenderiniń jetkiliksiz ekenin bildiredi. Al olar barlyq qyzylsary tústes kókónister men jemisterdiń quramynda bar: sábiz, asqabaq, qyzanaq, abrıkos, saryórik, t.b. 
Tuzdyǵa qumartý 
Bul aǵzada qandaı da bir ınfeksıanyń paıda bolǵanynan nemese qýyq-nesep joldarynyń qabynýynan habar beredi. 
Táttige qumartý 
Bul júıke júıesiniń juqarǵanynan syr beredi. Demek, aǵzaǵa dereý glúkoza qajet. Mundaıda bal nemese shokolad kómek bolmaq. 
Tushshyǵa qumartý 
Bul gastrıt nemese baýyr aýrýlarynan habar beredi. Tushshy taǵam túıilýdi jáne asqazannyń aýrýyn basady. 
Tamaq tushshy sıaqty kórinse 
Bul – kúızelistiń belgisi. 
Pistege qumartý 
Aǵzada antıoksıdanttardyń jetispeýshiligin bildiredi. 
Qyshqylǵa qumartý 
Ót qaby men baýyrdyń jumysyn jaqsartý úshin lımon men múkjıdekti as mázirine qosý kerek. 
Ashyǵa qumartý 
Asqazan-ishek joldaryndaǵy jaısyzdyqtan habardar etedi. Aǵzany tazartý kerek. 
Ótkir ashyǵa (ostryı) qumartý 
Ol as qorytýdy retteıdi, biraq ótkir ashshy taǵamdardy ash qursaqqa jeýge bolmaıdy jáne mólsherden asyrmaý mańyzdy. 
Teńiz ónimderine qumartý 
Aǵzada ıod tapshylyǵyn bildiredi.