Saýd Arabıadaǵy jigit bastalýyna az ǵana mınýt qalǵan óziniń úılený toıynan ketip qaldy, — dep jazady Qamshy.kz aqparat agenttigi islamnews.ru saıtyna silteme jasaı otyryp. Sebebi, oǵan qalyńdyqtyń ákesi  qyzynyń kólik aıdaýdy armandap júrgenin eskertken.

Qalyndyqtyń ákesi kúıeý balasyna «2018 jyly maýsymnan bastap áıelderdiń kólik aıdaýyna zań boıynsha ruqsat berilgen kezde qyzymnyń kólik aıdaýyna bóget bolma», — dep talap qoıǵan.  Osy oqıǵadan keıin kúıeý jigit ashýlanyp, ata-anasy men jınalǵan qonaqtarǵa eskertpeı toıdan ketip qalǵan.

Toı bolardyń aldynda kúıeý jigit pen qalyńdyqtyń otbasy aqyldasyp, kelisimge kelgen. Sol kezde jigit óz áıeliniń jumys jasaýyna kedergi bolmaıtynyn aıtqan.

Alaıda  jumys jasaýyna qarsy bolmasa da, kólik júrgizýine qarsy bolǵan kúıeý jigitti toıdan keıin de eshkim raıynan qaıtara almady. Saýdıalyq jigit sol kúıi kólik júrgizýdi armandap júrgen qalyńdyqtan bas tartty.

Aıta ketetin bolsaq saýdıalyq jigitterdiń kóbisi áıelderdiń kólik júrgizýine qatysty zańnyń shyǵýyna qarsy bolyp otyr.