Men saǵan jylama dedim ǵoı, boldy jylama, áıtpese qazir qulaǵyńdy kesip alam", - dedi Madına, ińgálap jatqan ulyn besikke bólep jatyp. Qasyna kelgen 4 jasar qyzy Jadyra:
- Apa, nege qulaǵyn kesip alasyz? Endi jylasa qulaǵyn kesip alasyz ba?
- Ia, jaman, jylaýyq qyz bolsań seniń de qulaǵyńdy kesip alamyn. Endi kóp sóılemeı inińdi terbet, ákeń qudyq qazyp jatyr edi baryp kórip keleıin.
Syrtqa shyqqan Madına kúıeýiniń qudyqty tereńdetip qazyp qoıǵanyn kóredi de, daýystap:
- Erbol, shyǵa alasyń ba, arqan tastaıyn ba?
- Arqan tasta, Madına, men belime myqtap baılaımyn, sen shamań kelgenshe tart, mende ózimshe tyrysyp kórermin.
Arqandy myqtap beline baılaǵan Erbol "tart"dep daýystady, Madınada shamasy kelgeninshe tarta berdi, tek...
Tek úıden sharrr etken balasynyń daýysyna alańdaǵan ana júrek úı jaǵyna jaýtańdaı berdi, arqandy bosatýǵa da bolmaıdy. Osy kezde úıden shyqqan qyzy Jadyra apasynyń qasyna kelip:
- Apa, qarashy, Nurjan jylaǵan soń eki qulaǵyn kesip aldym, ol endi jylamaıdy, - degen sózden ary qaraı eshteńe estimegen sorly ana, arqandy bosatyp jiberip, úıine týra júgirdi.
Qudyq túbine bar salmaǵymen qulaǵan kúıeýi Erbol, sol jerde til tartpaı ketken edi...
Arada qanshama jyldar ótti. Madına jyndyhanada esin jımaǵan kúıi kúıeýiniń sońynan kete bardy. Al, Jadyra turmysqa shyqqan, inisi Nurjan biraz ýaqyt qolynda turdy. Tek ápkesiniń ózinen namystanatynyn qulaǵy estimese de sezetin edi. Aqyry eshkimge masyl bolǵysy kelmegen ol, bul dúnıege qolyn bir siltedi de, áke-sheshesiniń qasyna máńgilikke ketti.
Jadyra inisiniń ólimine kaıǵyra qoımady. Tirisinde syılaspaǵandar, ólgende de jylasyp jarytpaıdy eken...
Jadyra: "Óıtkeni seni inim dep aıtýǵa qatty namystanatynmyn, biraq seniń qulaqtaryńdy kim keskenin men de áli bilmeımin, naǵashylarymnan surasam, eshkim úndemeıdi..."

Muhamedjan Tazabektiń Facebook paraqshasynan alyndy