Juldyzdardy toıǵa shaqyrý quny olardyń tanymaldylyǵyna baılanysty. Máselen, Qazaqstandaǵy nómiri birinshi suranysqa ıe ázilkesh Tursynbek Qabatovty toıǵa shaqyramyn deseńiz biraz shyǵyndanatynyńyzdy bilip qoıyńyz.
Kez kelgen toı mýzykasyz, bısiz jáne ótkir ázilsiz ótpeıtini belgili. Sol sebepti, tanymal ánshi men ázilkeshterdi toıǵa shaqyrýdyń qunyn Qamshy.kz aqparat agenttigi Zakon.kz saıtyna silteme bere otyryp nazarlaryńyzǵa usynady.
Toıǵa ár-túrli ánshini shaqyrýǵa bolady, eger ol tanymal bolmasa, onda toı júrgizýshisi myqty ázilkesh bolýy kerek. Al jurttan uıat bolmasyn deseńiz, onda keremet juldyzdardy shaqyrý kerek. Qanshalyqty tanymal bolsa, sonshalyqty myqty toı bolatyndyǵy sózsiz.
Ártisterge tólenetin qarjy bireýdiń qaltasyn kótermese, ózgelerine ol túk te emes. Elde daǵdarys bolyp jatsa da, bastysy «jurt ne deıtindigin» eskerý. Sondyqtan, kóptegen qazaqstandyqtar aqsha jınaıdy nemese nesıe alady. Olar toıǵa ketken shyǵyndy jurt ákelgen toıananyń jabýy múmkindigine senip, naǵyz toı jasaıdy.
Joǵaryda atap ótkendeı, juldyzdardyń quny olardyń tanymaldylyǵyna baılanysty. Máselen belgili ázilkesh Tursynbek Qabatovty bir toıǵa shaqyrý úshin 15 myń AQSH dollary qajet. Al eń tanymal «kamyzák» Azamat Musaǵalıevtyń baǵasy she? Oǵan qosa, budan da basqa ázilkeshter Danıar Jumadilov, Qumar Luqman jáne Gýlnara Sılbaevalar bar. «Sparta» komandasynyń kapıtany Danıar Jumadilov óziniń júrgizýshisimen birge toıdy 1 mıllıon teńgege durystap ótkizip beredi. Barlyq nómirler bul baǵaǵa kiredi. Eger óz toıyńyzda «spartandyqtar» men «qazaqtardy» kórgińiz kelse, olarǵa tóleıtin soma da arta bermek, ıaǵnı bir ártistiń quny 1 mıllıon teńgeden.
Sońǵy kezderi eń qymbat toı ánshisi Dımash Qudaıbergen bolýy múmkin. Onyń quny $50-70 myń, alaıda mereke uıymdastyrýshylarynyń aıtýynsha, Dımash toıǵa shyǵýdy doǵaryp, tek konsertterde ǵana óner kórsetýdi sheshken.
Otandyq pop mýzykanyń patshasy Qaırat Nurtas bolsa, Dımashtan 10 ese az alady ($7 myń). Jarty saǵatta ol 5-6 ánin aıtyp ketedi. Dál osy somany Tóreǵalı Tóráli, Nurlan Abdýllın jáne Madına Sádýaqasovalar suraıdy. Al Dınara Satjannyń qyzmeti $5 myń turady.
Al Reseıdiń eń myqty reperi Skrıptonıt jáne L-ONE, merekelik is-sharanyń qandaı bolatyndyǵyna baılanysta óz baǵasyn usynady, olar $15 myń shamasynda alady. Jah Khalib pen Monatık bolsa, 20-25 myń evroǵa óner kórsetse, MS Saılaýbek $1 myńǵa toıyńyzǵa kelýge ázir.
Ókinishke oraı, «Shymkenttiń qyzdary» ánin oryndaýshysynyń baǵasyn bile almadyq deıdi Zakon.kz, olardyń «zyń zyń» teńge suraýy ábden múmkin.
Orys ártisteriniń baǵasymen salystyrǵanda, qazaq juldyzdarynyń baǵasy áldeqaıda arzan. Máselen júrgizýshi Ivan ýrgant pen Lera Kýdrávseva €50 myń, al jarty saǵatqa óner kórsetý úshin Stas Mıhaılov €70 myń alady. Sonymen qatar Svetlana Loboda €50 alsa, Polına Gagarına €40 alady.
Bul baǵalar event-agenttikterdiń qyzmet baǵalary boıynsha jasaldy. Al ózge qalaǵa jol júrý men turatyn qonaqúıdiń baǵasy bólek tólenedi.
