ÁRÝAQTANÝ (arqalaný)

Sen olaı qaraı berme kúlip kókem,
Keýdeńe qondyryp ap kúdik bóten.
Qazaqtyń dástúrinen dymdy uqpastan,
Kúńkildep sózder aıttyń búlikke teń.
Senińshe, meniń Uly Babalarym,
Múshrikteı butparas bop júrip pe eken?!
«Iá, Árýaq!» degenderdi jazǵyrǵandar,
«Árýaqtyń» aqıqatyn bilip pe eken?!.
«Biz seni Pák Rýhpenen qoldadyq» der,
Qurannyń osy aıatyn bilip pe eken?!.
...Adamǵa (a.s.) Perishteler sájde etken-di,
...Júsipke (a.s.) Otbasy da sájde etken-di.
Sonda ne, qurmet úshin kelinderim,
Iilip sálem salsa shirik pe eken?!

Tóbeńdi jandarsyńdar uryp teser,
Boldyńdar el-jurtyma quryq-kesel!
Halqymnyń qurta almaısyń salt-dástúrin,
Ózińsiń kóp uzamaı quryp keter. 
Sondyqtan sóıleı berme úrip kókem,
Áıtpese, bet perdeńdi «túr jasaǵan»,
Aq júzdi semserimmen tilip ketem...

Áýlıe keremetin – ertek dediń,
Áýeıi nápsige erip, elpektediń.
Jetesiz – jeti atasyn syılamaǵyr,
Neńdi alǵan, jetpegir-aý, shelpek seniń!
Dinimdi dúdámal ǵyp bitirdińder,
Osy ma súnnet jolyn kórsetkeniń.
Mázhab pen Sopylyqqa jaý boldyńdar,
Kıip ap Massondardyń shen-shekpenin.
Adamdar arasyna iritki sap,
Momyndy baýyr etteı bólshektediń.
Qurandy marqumdarǵa baǵyshtaýdy,
Paıǵambar shektegen joq, sen – shektediń.
Táspi men bet sıpaýdy – «bıdǵat» dep,
Táspińnen jańylysyp, ter tókkeniń. 
«Bıdǵat»-pen Kók pen Jerdi jaratty Alla»,
Qurannyń sózin aıttym, el sókpegin.
Iá, Alla, jaqsylarmen dos ete gór,
Jamanmen eki ómirde kórshi etpegin.

Haram dep – Dombyramdy ǵajap úndi,
Jiberdiń qan qaqsatyp Qazaǵymdy.
Náıis-aı, sen aıtty dep, 
Babam jatqan,
Qaraýsyz qaldyram ba mazarymdy.
Baq qonyp, Qyzyr daryp jatqan elden,
Aýlaq sal jóıit-qulqyn nazaryńdy.
Qaıteıin, myna tajal,
Baýyrymnyń
Qanshasyn tiri óltirip, qaza qyldy.
Sen endi sahnadan tústi te káni,
Tıa ǵoı bytpyratqan mazaǵyńdy. 
«Elim» dep bizder mine atqa qondyq,
Al endi shaqyra ber «ajalyńdy».
Ar jaǵyn halqym óziń saralaı ber,
Men degen jazyp bittim jazarymdy!

Baýyrjan Myrzaqul