Elbasy Nursultan Nazarbaev respýblıkalyq jetekshi telearna ókilderine bergen búgingi suhbatynda álemde oryn alǵan daǵdarysqa qaramastan áleýmettik tólemder, zeınetaqy,búdjet qyzmetkerleri jalaqylary qysqartylmaıtyndyǵyn jetkizdi. Sondaı-aq Elbasy «Nurly Jol» jańa ekonomıkalyq saıasaty aıasynda ınfraqurylymǵa asa mán beriletindigin  atap aıtty. Iaǵnı, bul baǵdarlama boıynsha orta jáne shaǵyn bıznesti damytý qajet. Endigi jerde Otandyq taýar shyǵarý máselesi túbegeıli qolǵa alynyp, ımport jaǵy budan bylaı jiti qadaǵalanbaq. Ásirese, bul kórshi Reseı memleketinen keler taýar aınalymyna qatysty. Rúbldiń quldyraýy Reseı ekonomıkasyna biraz áserin tıgizdi. Osyǵan oraı satylar taýar baǵasy da biraz tómendedi, arzanǵa qyzyqqandar Reseıden taýar tasyp álek. Alaıda Kedendik Odaq erejesine saı, Qazaqstanǵa shetten keler taýar sanyn shekteý qajet, óıtkeni bu jaǵdaı elimizdegi taýar óndirisine keri yqpalyn tıgizedi dep keltirdi óz sózinde Nursultan Nazarbaev.

Al búgingi tańdaǵy álemde etek alǵan daǵdarys ýaqytsha qubylys. Oraıy kelip, ol da ótedi de ketedi. Baıbalamǵa salyp, qur dúrlúgýdiń qajeti joq. Daǵdarysty eńserý úshin bizdiń elde qor jetkilikti. Reseıge salynǵan sanksıalar elimizge eshqalaı áser etpeıdi.

" Alaıda, Reseıdegi taýar baǵalarynyń tómendeýi otandyq bızneske keri áserin tıgizbeýin basty nazarda ustaımyz"- dep sendirdi Elbasy.

Nazerke Toǵjanova