2015 jyly Jambyl Jabaevtyń 155 jyldyq mereıtoıy qarsańynda Kıevtegi kitaphana jabyla ma?

Mereıtoıǵa tosyn syı.. Kitaphana dırektory Tatána Markevıchtiń aıtýynsha kitaphananyń jabylýyna birden bir sebep: qazaq avtorlary kitaptarynyń azdyǵy men kompúterdiń joqtyǵy. Bul – oqyrmandar sanynyń azaıýýyna da ákep soqty. Sol sebepti de kitaphana jabylǵaly tur.

Qazaqty Ýkraınaǵa tanytqan.. "Kitaphana 1963 jyly qarashada ashylǵan bolatyn. Budan 20 jyl buryn, Ýkraına memleketi táýelsiz bolǵanda, aqyn shyǵarmashylyǵyna tánti bolǵan kıevtikter kitaphana atyn qaldyrýǵa usynys jasady. Bizdiń kitaphana  qoldaýǵa zárý. Qazirgi Ýkraına elindegi daǵdarysty esepke alǵanda, 2015 jyly búdjetten mádenıet salasyna bólinetin qarjydan dámelenbeı-aq qoıý kerek. Sondyqtan kásipkerler men mesenattar  kitaphanaǵa oqyrman tartýǵa sep bolatyn kompúter ortalyǵyn ashýǵa kómek beredi dep úmittenip otyrmyz", - dedi dırektor.

Onyń aıtýynsha, osy zamanǵy kompúter ortalyǵy ýkraın oqyrmandaryna Qazaqstan týraly, jalpy qazaq avtorlary shyǵarmashylyǵymen tanysýǵa múmkindik beredi. Sonymen qatar, eger Jambyl Jabaev atyndaǵy kitaphananyń elektrondy katalogy jasalsa, oqyrmandary da kóbeıe túsedi degen sóz. Sebebi Ýkraınada kitaphanalarǵa Internetke tegin kirýge jaǵy qarastyrylǵan. Munymen qatar, qazaqstandyq kitaphanalarmen áriptes bolsaq degen nıettemiz", - deıdi Markevıch.

Qazirgi tańda kitaphananyń 4 myń oqyrmany bar, al kitaphanadaǵy 34 myń kitaptyń 100 danasy ǵana qazaq avtorlaryna tıesili. Olardyń ishinde, Jambyl Jabaev, Muhtar Áýezov, Ábdijámil Nurpeıisov jáne Oralhan Bókeıdiń de biraz eńbekteri bar. "2015 jyly Jambyl Jabaevtyń 155 jyldyq úlken mereıtoıy. Biraq bul ýaqytqa deıin kitaphana jabylyp qalýy múmkin", - dep dabyl qaǵady kitaphana dırektory Markevıch.

Nazerke Toǵjanova

Derekkóz: tengrinews.kz