2014 jyly 22-jeltoqsan kúni Almaty qalasy ákiminiń fólklorly-etnografıalyq «Sazgen sazy» ansambli óziniń jeke konserttik baǵdarlamasyn ótkizbekshi. Saltanatty jıynnyń ótýine Almaty qalasy mádenıet basqarmasyna qarasty «Almaty áýenderi» memlekettik komýnaldyq qazynalyq kásiporny qoldaý kórsetip otyr.

Uıymdastyrýshylar ásem án men tátti kúı syılaıtyn kesh burynǵydan ózgerek ekenin aıtady. Konsert baǵdarlamanyń 1-bóliminde kóne mýzykalyq aspaptarynyń súıemeldeýimen qazaqtyń burynnan kele jatqan eski án-kúıleri oryndalady. Al 2-bóliminde zamanaýı álemge tanymal jaz yrǵaqtaǵy shyǵarmalar usynylady. Sondaı-aq, bul konsertke Reseıdiń eńbek sińirgen artısi, Bashqurstannyń halyq artısi Ramıl Gaızýllın, Qyrǵyz elinen kelgen qonaǵymyz Baqytbek Shótenov, QR Eńbek sińirgen qaıratkeri, birneshe halyqaralyq baıqaýlardyń laýreaty, Abaı atyndaǵy memlekettik opera jáne balet teatrynyń ánshisi Maıra Muhammedqyzy, Prezıdent Stependıanty, Qazaqstan Jastar Serper syılyǵynyń ıegeri Tamara Asar jáne «Qazyna» vokaldyq toby qatysady. Konsertti QR Eńbek sińirgen qaıratkeri Aqan Abdýalıev júrgizip, ásem ánmen qatar salmaqty oılar da aıtylmaq.

Kelem deýshilerge esik ashyq! Bolatyn jeri: Qurmanǵazy atyndaǵy Ulttyq konservatorıanyń Úlken zaly Ótetin ýaqyty:18.00 BAQ qyzmetkerlerin osy shara týraly aqparat taratýǵa shaqyramyz.

Ózge de suraqtar boıynsha baspasóz ortalyǵyna habarlasýlaryńyzǵa bolady: 267-61-94, 267-72-96, 87013157116

"Qamshy"silteıdi