«Qyrǵyz memleketi Baqytjan Saǵyntaevtyń sózderine baılanysty arnaıy málimdeme jasaıdy. Sebebi bizdiń de aıtarymyz bar», - dep málimdedi Qyrǵyzstannyń premer-mınıstri Sapar Isakov Erevanda (Armenıa) ótken EAEO úkimetaralyq keńestiń otyrysynda dep jazady Qamshy.kz aqparat agenttigi Azatyqqa silteme jasap.

"Meniń tek bir ǵana aıtarym, shekaradaǵy uzyn-sonar kezek eki eldiń azamattarynyń da ashý-yzasyn týǵyzyp otyr. Shekaradan tek ǵana qyrǵyz kólikteri emes, qazaqstandyq, úshinshi eldiń de kólikteri ótedi", - dedi qyrǵyz premeri.

Eske sala keteıik, Qazaqstannyń úkimet basshysy shekaradaǵy jaǵdaıǵa qatysty tekserý ádeıi jasalmaǵanyn, burynnan beri aıtylyp kele jatqanyn, qyrǵyz taraptan zań buzýshylyqtar oryn alatyny dáleldenip jatqanyn aıtqan.