Ýkraına jylytý merzimin janarmaı qorynyń óte tómen deńgeıimen bastamaq. Óıtkeni memleket jylytý naýqanyna janarmaı qorynyń rekordtyq eń tómengi deńgeıimen kirýde. Mamandardyń aıtýynsha, Ýkraınaǵa kómirdi basqa elderden ımporttaýdy tez arada bastaý kerek. Eger kómir jetkiliksiz bolsa, onda elde energetıka jetispeýshiliginen tótenshe jaǵdaı ornaýy múmkin,- dep Qamshy.kz aqparat agenttigi Gazeta.rý saıtyna súıene otyryp jazady. 

Ýkraınanyń Úkimettik statısıka qyzmeti bergen málimet boıynsha, 2017 jyldyń 1 qazanynda tas kómirdiń jalpy qory 2,749 mln. tonna bolǵan. Bul kórsetkish ótken jylmen salystyrǵanda, 33%-ǵa tómen jáne qyrkúıek aıyna deıingi jaǵdaıynan 13,6%-ǵa quldyraǵan.

Janarmaıdyń basqa da túrlerinen qor azaıýda. Máselen, 1 qazanǵa arnalǵan málimetke súıensek, benzın qory 115,7 myń tonna, bul ótken jylmen salystyrǵanda 28,4%-ǵa az, al dızel janarmaıynyń qory 177,6 myń tonna (14,3% tómen), mazýt mólsheri 154,7 myń tonnany (13,8%) quraıdy.

Osy jyly Ýkraına Donbassty ekonomıkalyq blokadaǵa qoıyp, ol jaqtan kómir satyp alýdy doǵarǵan. Donbasstyq kómirdiń ornyna Kıev janarmaıdy AQSH-tan satyp alýdy bastaǵan. Biraq bul baǵa óte joǵary jáne eki jaq 700 myń tonna kómirdiń bir tonnasyn $133-quraıdy.