Búgin Almaty qalasynda Dostyq úıinde «Jańǵyrý 3.0: Rýhanı jańǵyrý» atty sarapshylar kezdesýler serıasynan óńirlik dóńgelek ústel bolyp ótti, dep habarlaıdy Qamshy.kz aqparat agenttigi.
Atalmysh sharany Eýrazıalyq ıntegrasıa ınstıtýty Almaty qalasy ákimdigimen birlese otyryp uıymdastyrdy.
Búgingi sharada «Rýhanı jańǵyrý» baǵdarlamasynyń basty jalpyulttyq 6 jobasynyń biri bolyp tabylatyn «Týǵan jer» jobasynyń Almaty qalasynda iske asyrylý máseleleri jaıynda sóz qozǵaldy.
Dóńgelek ústel barysynda moderator retinde qatysqan Almaty qalasy ákiminiń orynbasary Arman Orazbaıuly shara qatysýshylaryna óziniń quttyqtaý sózin arnady.
Eýrazıalyq ıntegrasıa ınstıtýty dırektory dırektorynyń orynbasary Natalá Kalashnıkova óz sózinde atalmysh is-sharanyń Rýhanı jańǵyrý baǵdarlamasyn talqylaý boıynsha Instıtýt júrgizip otyrǵan sarapshylyq kezdesýler serıasynda nyshandy is-shara bolyp tabylatyndyǵyn atap ótti. Onyń aıtýynsha, osy ýaqytqa deıin ótkizilgen kezdesýler óńirlik erekshelikterdi eskere otyryp, baǵdarlamanyń iske asyrylý barysy týraly sarapshylardyń, jurtshylyqtyń pikirin jınaqtap-qorytýǵa múmkindik beredi. Almaty – erekshe qala, ol zıalylar elıtasy shoǵyrlanǵan jer, ony jobalardy iske asyrýdaǵy sapalyq áleýet te, múmkindikter sheńberi de aıqyn kórsetip tur. Atalmysh ınstıtýt basshylyǵynyń málimdeýinshe, ınstıtýt respýblıkalyq jáne óńirlik deńgeıde osyndaı 8 kezdesý ótkizgen.
Natalá Kalashnıkovanyń aıtýynsha, Baǵdarlamanyń túp negizi – el Prezıdenti usynǵan 6 jobany iske asyrý arqyly qoǵamdy selqostyqtan aryltyp, jigerli jetilý jolyna túsirý bolyp tabylady.
«Dál osy jobalar osyndaı ózgerý prosesin órge súırer lokomotıvter bolmaq. Bul rette, Baǵdarlamanyń ózi qoǵamdyq sanamyzdy, dástúrlerdi, qundylyqtardy, ortaq tarıh pen tarıhı jadty eskere otyryp qalyptastyrý isinde aýqymdy qazaqstandyq brendke aınalyp otyr. Osy turǵydan alǵanda, «Týǵan jer» jobasynyń Almatyda iske asyrylýy bizdiń týǵan elimizdiń ımıjin qalyptastyrý men nyǵaıtýǵa, óz qalamyzǵa, elimizge degen mahabbatymyzǵa yqpal etetin jańa maǵynamen, qaıyrymdylyq jáne mesenattyq tujyrymdamamen toltyrylady. Árbir qazaqstandyqtyń «Rýhanı jańǵyrý» jobalaryn iske asyrýǵa belsene atsalysýynyń ózi jańa oı, ulttyq sananyń nyǵaıtylýy bolyp tabylady», - deıdi Natalá Kalashnıkova.
Shara barysynda Almaty qalasy boıynsha Rýhanı jańǵyrý jobalyq ofısiniń basshysy Gúlnár Qalelqyzy Qońyrova «Týǵan jer» arnaıy jobasynyń iske asyrylýy týraly» baıandama jasady.
Sonymen qatar dóńgelek ústelde «Týǵan jer» jobasyn iske asyrýda oqý baǵdarlamalaryn daıyndaýdyń mańyzyn atap ótken Tarıhnama, derektaný jáne zamanaýı ádisnama bóliminiń profesory, tarıh ǵylymdarynyń doktory Ahmet Ýálıhanuly Toqtabaı, Sorbonna-Qazaqstan ınstıtýty Halyqaralyq qatynastar kafedrasynyń meńgerýshisi, saıasat ǵylymdarynyń doktory, profesor Jomart Qudaıbergenuly Simtikov, «Barbang» kúrdter qaýymdastyǵynyń prezıdenti Knáz Ibragımovıch Mırzoev, «Abaı aqparat» Qoǵamdyq qorynyń vıse-prezıdenti Aıdos Ámirollauly Sarym, QR BǴM ǴK Fılosofıa, saıasattaný jáne dintaný ınstıtýty dırektorynyń orynbasary Serik Nurmuratov jáne ózge de jaýapty tulǵalar spıkerlik etti.
Dóńgelek ústeldiń jumysyna ǵylymı-sarapshylyq qoǵamdastyqtyń, ÚEU, jergilikti atqarýshy organdardyń, jas ǵalymdardyń 100-den astam ókili qatysty.
Dóńgelek ústelge qatysýshylar «Rýhanı jańǵyrý» baǵdarlamasyn jan-jaqty talqylaý, usynystar ázirleý jáne sapaly túrde iske asyrý úshin osyndaı suhbat alańdary men sarapshylyq kezdesýlerdiń jumysy mańyzdy ekendigin atap ótti.
