Almaty qalasynda «Altyn júrek» respýblıkalyq syılyǵynyń ıegerleri belgili boldy, dep habarlaıdy Qamshy.kz aqparat agenttigi.

Elimizde qaıyrymdy adamdardyń sany jyldan-jylǵa ratyp keledi. Bul týraly elimizdegi qaıyrymdylyq salasynda jumys isteıtin «Altyn júrek» syılyǵynyń uıymdastyrýshylary málim etti.

«Altyn júrek» ulttyq qoǵamdyq syılyǵy 11 jyl qatarynan «meıirimdilik» atty asyl qasıetti jobany kúndelikti ómiriniń bir bóligine aınaldyrǵan azamattardy, mekemelerdi, uıymdardy marapattaıdy.

Joba uıymdastyrýshylarynyń aıtýynsha, «Rýhanı jańǵyrý» baǵdarlamasy aıasynda «Altyn júrek» syılyǵyna Qazaqstan boıynsha bıyl 455 ótinish kelip túsken.

Dástúr boıynsha, jyl saıyn «Altyn júrek» syılyǵy qaıyrymdy jandardy 11 nomınasıa boıynsha marapattaıdy. Olardyń ıgi isteri bul qoǵamda meıirimdilik pen adamgershiliktiń rólin zor ekenin bildiredi.

«Bıylǵy jyly nomınanttar arasynda erekshe qaıyrymdylyq qasıetke ıe, laıyqty azamattar barshylyq. Atap aıtsaq: Oral qalasynyń turǵyny Birjan Qojaqov sal aýrýymen aýyratyn naýqastardy kerekti qural-jabdyqtarmen qamtamasyz etti. Sondaı-aq, úzdikter qatarynda «28 petel» klýby, 25 balanyń anasy atanǵan Ekibastuz qalasynyń turǵyny Ekaterıno Iasenko, saıasattanýshy Dosym Sátpaev, kásipker-mesenattar Baýyrjan Ospanov, Nurlan Smaǵulov jáne amerıkandyq Vıktorıa Sharboný men Elızabet Týrnok bar», - deıdi uıymdastyrýshylar.

«Baýyrjan» qorynyń úılestirýshisi Gúlzat Sahova elimizde qaıyrymdy jandardyń kóbeıip kele jatqandyǵyn aıtady.

«Altyn júrek» respýblıkalyq syılyǵynyń Ortalyq Azıada da bedeli, mártebesi óte joǵary dep aıtýǵa bolady. Bıyl bul syılyqty tabystaý sharasy 11-shi ret ótkizilip otyr. «Altyn júrektiń» 11 jyldyq tarıhynda qaıyrymdylyq jasaýshylardyń sany 5 esege ósti. 2016-2017 jyldadyń ishinde tek túsken ónimderge sáıkes 29,4 mlrd teńgeden asatyn qaıyrymdylyq sharasy júrgizidi», - deıdi Gúlzat Sahova.

Almaty qalasynda ótken «Altyn júrek» saltanatty marapattaý sharasyna qala ákimi Baýyrjan Baıbek qatysyp, nomınanttardy quttyqtap, sóz sóıledi jáne qaıyrymdy jandarǵa óz alǵysyn bildirdi.

Atalmysh syılyqtyń negizin qalaýshy Juldyz Omarbekova: «Altyn júrek» syılyǵy qaıyrymdy adamdarǵa beriletin syılyq. Qaıyrymdy isterdi nasıhattaý asa mańyzdy dep oılaımyn» deıdi.

Bıylǵy jyly «Altyn Júrek» syılyǵyna barlyǵy 150 ótinim berilgen. Bul - rekordtyq kórsetkish. Solardyń ishinde 80 ótinim jeke tulǵalardan kelip túsken. Saraptamalyq Keńes otyrysynda ótinimderdiń ishinen ázirge ár atalymǵa úsh úmitkerden tańdap alyndy.

Qoǵamdyq Keńes músheleri jasyryn daýys berý arqyly solardyń ishinen jeńimpazdardy anyqtaıdy. Qoǵamdyq Keńestiń quramyna qoǵam jáne mádenıet qaıratkerleri, aqyn-jazýshylar, kınematografıster, BAQ ókilderi engen. Olardyń ishinde tanymal jazýshy-dramatýrg Ahmetjan Áshirov, Vlastınternet-jýrnalynyń bas redaktory Vácheslav Abramov, kınorejısser Sergeı Azımov, telejúrgizýshi Qymbat Hangeldına bar.

«Altyn júrek» syılyǵyna qazylyq etý óte qıyn. Usynylǵan tulǵalardyń barlyǵy da qurmetke laıyq, júregi altyn adamdar ǵoı. Barlyǵyn da marapattaǵyń keledi. Biraq, ókinishke qaraı, árbir atalymda bir ǵana jeńimpaz bolýy shart. Men óz basym qaıyrymdylyqpen aınalysatyn adamdardyń aldynda basymdy ıemin. Olar qoǵam tarapynan úlken qurmetke laıyq azamattar. Osy syılyqty uıymdastyrýshylar tarapynan qyrýar jumystar atqarylyp jatyr. Sondyqtan, qoǵam tarapynan bul sharaǵa úlken qoldaý qajet», - dedi Qymbat Hangeldına. «Altyn júrek» boıynsha 11 atalym belgilengen.

«Altyn júrek» syılyǵynyń bıylǵy jeńimpazdary:

1. «Jetim balalarǵa kórsetken qamqorlyǵy úshin»  - Ekaterına Iasenko (Pavlodar oblysy);
2. «Bilimdi damytýǵa qosqan úlesi úshin»  - Murat Ádilhanov (Almaty); 
3. «Múgedek jandarǵa kórsetken qamqorlyǵy úshin»  - Birjan Qujaqov (BQO, Oral); 
4. «Sportty damytyp, ony qoldaǵany úshin»  -  «Almaty marafony» sporttyq qaıyrymdylyq sharasy (Almaty);
5. «Ardagerlerge kórsetken qurmeti úshin» -  Rasıma Temerbaeva (Almaty);
6. «Jyl mesenaty» - Sergeı Spısyn (Almaty);
7. «Aqparattyq qoldaýshy» -Maıra Abdrahmanova (Almaty);
8. «Jyldyń qaıyrymdy adamy» - Temirlan Shaınýsıpov (Almaty oblysy, Aq terek aýly); 
9. «Densaýlyq saqtaý salasyna qoldaý kórsetkeni úshin» - «28 petel» klýby (Astana); 
10. «Qazaqstannyń órkendeýine qosqan úlesi úshin» - Vıktorıa Sharboný jáne Elızabet Týrnok (AQSH)

Saltanatty rásimde qonaqtar men bıylǵy jylǵy laýreattardy tanymal óner juldyzdary, atap aıtar bolsaq, "Ulytaý" toby, "Melomen" toby, Jamılá Serkebaeva, "Alashuly" toby, t.b. quttyqtap, óner kórsetti.