«Qamshy» aqparat agenttigi jyl basynan beri «Alashordanyń» 100 jyldyǵynyń qurmetine 5 is-sharany josparlaǵan. Soǵan oraı 5 naýryzda Álıhan Bókeıhannyń týǵan kúnine oraı Alash arystarynyń rýhyna arnap, Baıtursynuly murajaı úıinde as berilgen. Sáýir aıynda Baıtursynuly saıabaǵyna 100 aǵash otyrǵyzyldy. Endigi kezek 100 jetim bala men 100 muqtaj stýdentke 20 myń teńgeden jalpy qory 4 mıllıon teńge kómek kórsetiledi. Al «Alash arystarynyń 100 izbasaryna» daýys berý «Elek.kz» saıtynda jalǵasýda. Aıta keterligi osy is-sharanyń bárine qarapaıym azamattar men Almaty qalasy ákimdigi erekshe qoldaý kórsetti.
Árıne, bir jolda 4 mıllıon teńge kómek kórsetý ashylǵanyna endi ǵana 5 jyl bolǵan «Qamshy» aqparat agenttigi úshin ońaı mindet emes. Sondyqtan da 24 qarashada «Ugai production» ánshileriniń «Jylamasyn sábıler» atty qaırymdylyq konsertin ótkizýdi josparladyq. El súıetin «Alashuly» etno-tobynda birneshe jyl óner kórsetken Ushqyn Jamalbek baýyrymyzdyń bastamasymen qurylǵan «Ugai production» bul kúnde biraz tyńdarmannyń alǵysyna bólengen ujym. «Dúr qamshy», «Jylamasyn sábıler», «Bári sen úshin» t.b. tanymal ánderdiń oryndaýshylary Ushqyn Jamalbek, Áset Esjan, Ochooou(Oljas Abaı) syndy ónerpazdar Almatydaǵy alǵashqy konsertinde Sizder úshin án shyrqamaq. 100 jetim bala men 100 stýdentke qajetti 4 mıllıon teńge «Alash týy astynda kún sóngenshe sónbeıtin» ózderińiz sıaqty tyńdarmandardyń kómegimen jınalady dep senip otyrmyz. Qaıyrymdylyqqa jınalǵan aqsha muqtaj jandarǵa dál sol konsert tórinde tabys etiledi. Ótken men búgindi jalǵastyrǵan mundaı is-shara «Rýhanı jańǵyrý» syndy memleket saıasatyna sál de bolsa qoldaý dep bilińizder. Ál-Farabı babamyz armandap ótken «Qaıyrymdy qala turǵyndaryn» asyǵa kútemiz.
Bıletter 2000, 3000,4000,5000, 20000 teńgeden satylady. Eger Siz 20000 teńgege bılet alsańyz bir jetim balaǵa nemese bir stýdentke kómek kórsettim dep bilińiz.
Qoldaý kórsetýshi: Almaty qalasy ákimdigi
Uıymdastyrýshy: @Qamshy.kz aqparat agenttigi
Ótetin orny: «Alataý» dástúrli óner teatry
Kesh qonaqtary: «Alashuly», Móldir Áýelbekova, Dana Kentaı t.b.
Bılet satyp alý úshin baılanys telefony: 8-701-708-27-25, 8-707-138-94-64
El.poshta: qamshy@gmail.com
