Qazaqstan Respýblıkasynyń Din isteri jáne azamattyq qoǵam mınıstri Nurlan Ermekbaev Eýrazıa evreı qaýymdastyǵyn qoldaý ulttyq koalısıasynyń tóraǵasy Danıel Rýbın bastaǵan delegasıany qabyldady dep habarlaıdy Qamshy.kz aqparat agenttigi.
Danıel Rýbın Eýrazıa evreı qaýymdastyǵyn qoldaý ulttyq koalısıasynyń qyzmeti men aldaǵy jospary týraly baıandady. Ol etnosaralyq jáne konfesıaaralyq kelisimniń qazaqstandyq modeline jáne zaıyrlylyq qoǵamdy nyǵaıtý sharalaryna oń pikir bildirdi.
Mınıstr Nurlan Ermekbaev óz sózinde din salasyndaǵy memlekettik saıasattyń negizgi baǵyttary týraly aıtyp, dinı radıkalızmge qarsy halyqaralyq qaýymdastyqtyń birlesken áreketiniń mańyzdylyǵyn atady.
Kezdesýde Qazaqstandaǵy evreıler qaýymdastyǵy zańdy tirkeý negizinde jumys júrgizetindigi jáne elimizdegi basqa dinı birlestiktermen qatar quqyqtar men bostandyqtarǵa ıe ekendigi aıtyldy.
Kezdesý qorytyndysynda taraptar dinı radıkalızmge qarsy turý jáne konfesıaaralyq kelisimdi nyǵaıtýda halyqaralyq birlesken is-qımyldyń qajettigi jóninde ortaq pikirge keldi.
