AQSH prezıdenti Donald Tramp 31 qazanda bolǵan Manhettendegi terrorlyq shabýylǵa baılanysty óz pikirin bildirdi, dep habarlaıdy Qamshy.kz aqparat agenttigi.

AQSH prezıdenti ózbekstandyq 29 jastaǵy Saıfýllo Saıpovqa ólim jazasyn qoldanýdy usynyp otyr.

 «Nú-Iorktegi terrorıst rahattana DAISH týyn óz palatasyna ilip qoıýyn suraǵan. Ol 8 adamdy óltirdi. Jáne taǵy 12 adam aýyr jaralandy. Ol ólim jazasyna kesilýi kerek», - dedi AQSH prezıdenti.

Al Ózbekstanda Saıpovtyń anasy, ákesi jáne 17 jastaǵy qaryndasy tergelýde. Derekkózderge súıensek, tergeý Ózbekstan prezıdenti Shavkat Mırzıaevtiń amerıkandyq qantógisti tergeýge kómektesýge daıyn ekenin málimdegennen keıin bastalǵan.

Esterińizge sala keteıik, ózbekstandyq azamat 31 qazanda Nú-Iorkte júk kóligimen jaıaý adamdardy qaǵyp ótip, shabýyl jasaǵan bolatyn.

Qaza bolǵandar arasynda 5 argentınalyq pen 1 belgıalyq azamat bar. Quqyq qorǵaý organdary bul shabýyldy terorıstik shabýyl dep tanydy.