AQSH prezıdenti Donald Tramp KHDR-men aradaǵy máselelerdi sheshýge bolatynyna senimdi, al olaı bolmaǵan jaǵdaıda nátıjesi bárimiz úshin «jaǵymsyz» bolmaq ekenin eskertti, dep jazady Qamshy.kz aqparat agenttigi.
«Meniń oıymsha, biz KHDR-men aradaǵy jaǵdaıdy retke keltire alamyz. Al retke kelmegen jaǵdaıda, olar úshin de, biz úshin de qaıǵyly jaǵdaı ornaýy múmkin», - dedi prezıdent Fox News arnasyna bergen suhbatynda.
Tramptyń sózderine qaraǵanda, Qytaı AQSH-qa osy másele turǵysynan kómek kórsetedi. Al telejúrgizýshiniń «Japonıa bul jaǵdaıǵa qalaı qaraıdy?» degen suraǵyna Tramp olardyń qatty alańdaýly ekenin jetkizdi. Sebebi Japonıa Soltústik Koreıaǵa jaqyn ornalasqan memleket.
Aıta keteıik, jaz aıynda KHDR AQSH-qa qaraı balıstıkalyq zymyran ushyrǵan kúnnen beri eki eldiń arasy shıelenisip ketken. Osy jaǵdaıǵa baılanysty búginde úshinshi dúnıejúzilik soǵystyń bastalý qaýpi órship tur.
