Talas jurty Atambaevqa Nursultan Nazarbaev pen qazaq halqynan bir aptanyń ishinde keshirim surasyn dep talap qoıdy, — dep habarlaıdy Qamshy.kz aqparat agenttigi. Aıta ketetin bolsaq, keshe qyrǵyz halqy Atambaevtyń keshirim suraýyn talap etip mıtıńige shyqqan bolatyn. Resmı aqparatqa súıensek, mıtıńke 100-ge jýyq adam shyqqan. 

Talas jurtynyń aqsaqaly Atambaevtyń qazaq halqyna aıtqany onyń prezıdenttigine syn ekenin aıtty. Sonymen birge Atambaev tek Qazaqstan prezıdenti týraly ǵana emes, ózge de saıasatkerler týraly orynsyz pikir bildirgenin de aıtyp ótti. 

Aıta ketetin bolsaq, Atambaev Talas jurty týraly da balaǵat sóz aıtqan. Ol jergilikti turǵyndardy malǵa teńep, jaqyn arada qazaq halqyna qosylatynyn aıtqan. 

«Biz taza qyrǵyzdyń urpaǵymyz. Almas Sársenovty biz alǵashynda jaqsy saıasatker dep, prezıdenttikke saılaǵan edik. Al ol ne istedi? Kezinde Roza Otýnbaevaǵa da balaǵat sóz aıtty. Bul sózdi prezıdent  túgili kóshedegi maskúnemder de aıtpaıdy. Artyq aıtsam keshirińizder. Bir eldi bılep otyrǵan prezıdenttiń aýzynan mundaı sóz shyqpaý kerek edi», — dep pikir bildirdi Asenbek aqsaqal.