Qazaqstan Prezıdenti Din isteri jáne azamattyq qoǵam mınıstri Nurlan Ermekbaevty qabyldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Kezdesý barysynda Memleket basshysyna azamattyq qoǵamdaǵy qazirgi jaǵdaı men din salasyndaǵy memlekettik saıasatty iske asyrý úshin qabyldanyp jatqan sharalar jóninde málimet usynyldy.

Elbasy mınıstrliktiń jahandyq jáne óńirlik búgingi syn-qaterler aıasynda atqaryp otyrǵan jumystarynyń ózektiligin erekshe atap ótti.

– Mınıstrlik qurylǵaly birshama ýaqyt ótti. Qazirgi jaǵdaıda mınıstrlikterińizdiń jumysy elimiz úshin asa mańyzdy, – dedi Nursultan Nazarbaev.

Din isteri jáne azamattyq qoǵam mınıstri Qazaqstan Prezıdentine dinı qyzmet salasyndaǵy memlekettik saıasatty júrgizý, memlekettik jastar saıasatyn iske asyrý, sondaı-aq volonterlermen jáne úkimettik emes uıymdarmen ózara is-qımyl jasaý jónindegi jumystardyń nátıjeleri týraly baıandady.

Elbasy kezdesý qorytyndysy boıynsha birqatar naqty tapsyrma berdi.