Ózbekstanda aty-jóni belgisiz qarıa óziniń 4 jastaǵy nemeresin sabap jatqan vıdeosy áleýmettik jelide qyzý talqylanyp jatyr, — dep jazady Qamshy.kz aqparattyq agenttigi. Vıdeoda qarıa kishkentaı qyzǵa «Anańa kerek emessiń, sonda maǵan kerekpin deısiń be?  2 jyldan beri men seni baǵyp kelemin. Al anań bolsa Túrkıada kóńildesimen qydyryp júredi», — dep aıqaılap, qyzyn sabaıdy. Al kishkentaı qyz atasyna «ıá, joq», — dep qana jaýap berdi. Vıdeodan atasy nemeresin úıden qýyp jatqanyn kórýge bolady.

Bul oqıǵa Ózbekstandaǵy baǵdarlamalardyń birinde talqylandy. Ózbekstannyń zańyna sáıkes kishkentaı sábıge zorlyq-zombylyq kórsetken azamat qatań jazalanýy tıis. Alaıda álgi azamattyń kim ekeni áli belgisiz bolyp otyr. Zań qyzmetkeri qylmyskerdi taýyp, zań boıynsha jazalaıtynyn aıtty.