Iran bıligi zilzaladan zardap shekkenderge járdem berý úshin 70 mıllıon AQSH dollary kóleminde qarjy bóldi. Bul týraly Qamshy.kz aqparat agenttigi sheteldik BAQ málimetine súıenip habarlaıdy.

Onyń 165 mıllıony Kermanshah provınsıasyndaǵy qıraǵan nysandardy qalpyna keltirýge jumsalady. Bul týraly el prezıdentiniń baspasóz hatshysy habarlady.

Resmı málimet boıynsha tabıǵı apattan Iran aýmaǵynda 474 adam qaza tapty. Taǵy 9 myńnan astamy jaralanǵan.

Jergilikti arnalardyń habarlaýynsha, zilzaladan bir ǵana Kermanshah provınsıasyna 500 mıllıon dollar kóleminde shyǵyn kelgen.

Aımaq basshysynyń aıtýynsha, jer silkinisinen 40 myńdaı úıdiń qabyrǵasy sógildi. Qazir mundaǵy turǵyndar aýyz sý men elektr jaryǵynan ajyratylǵan.