Úndistannyń Djaıpýr eldi-mekeninde júrgen qazaq qyzy óziniń ıstagram paraqshasyna Qazaqstanǵa qaıtqysy kelmeıtinin, uıalatynyn aıtty, — dep jazady Qamshy.kz aqparat agenttigi.
«Sizder Úndistandaǵy jergilikti turǵyndardy aıaısyzdar, al men bizdiń qazaqstandyqtardy aıaımyn.
Úndistandaǵy jergilikti adamdardan meıirimdi xalyqty kórmedim. Batystyń adamdary da dál osyndaı deńgeıde meıirimdi emes. Osyndaı kedeılikte turyp qaıdan, qalaısha sonshalyqty jarqyn, ashyq, meıirimdi bolýǵa bolady?
Biz sarı kıip shyqqan kúnderi erkekter bylaı tursyn, árbir áıel, oqýshy, qart adamdar komplıment jaýdyrdy. Bul jerde eshkim eshkimmen ursyspaıdy, qabaq shytpaıdy. Shydamdy! Kezekte turǵanda shyntaqtasyp, ala kózben qaraý degen múldem joq. Dáretxanaǵa kirseń otyratyn jerińe deıin súrtip beredi. Bazarǵa kelseń aldyńa taýardy tógip tastaıdy. Qorabyn ashyp, paketterinen shyǵaryp, 6 metrlik sarılerdi jaıyp qoıady. «Tek baǵasyn aıta salyńyz», — deseń de,mindetti túrde ashyp kórsetedi. Túk almaı ketseń jyly júzben shyǵaryp salady. Eshqandaı «rýkamı ne trogat», — dep ursysýǵa daıyn turmaıdy. «Qazaqsha sóılemediń», — dep jep qoımaıdy. Bizdiń adamdar ǵoı ómir boıy tyrnaq astynan kir izdeıdi de otyrady. Tek qazaqtar ǵana emes, jalpy TMD memleketteriniń turǵyndary sondaımyz ashýshań, kóre almaýshylyq, ish tarlyq, syn... Ashynǵan xalyqtar. Baı tursaq ta qanaǵattanbaımyz, kedeı tursaq qanaǵatanbaımyz. Tipti shetelden Otanǵa qaıtqyń kelmeıdi. Uıalasyń.
Kóshedegi sıyr, ıt, maımyldarmen kórshiles ómir súretin, kedeılikti kúlimsirep kótere biletin, óte tómen deńgeıdegi úndistandyqtardan úırenerimiz kóp», — dep sózin aıaqtady Aına Dosmahambetqyzy.
Pikir qaldyrý