Tájikstannyń bas prokýratýrasy jezóksheler qyzmetin paıdalanatyn er azamattardy jazalaý týraly bastama kóterdi dep habarlaıdy Qamshy.kz aqparat agenttigi centralasian.org-qa silteme jasaı otyryp.
Ákimshilik quqyqbuzýshylyq týraly kodekske ózgertýler kelesi jyldyń basynda parlamentke túsedi. Qazir jeńil júristilerge ǵana aıyppul salynyp júr.
Eldiń bas prokýrasyna qarasty bir basqarma basshysynyń orynbasary Farrýh Raýfovtyń aıtýynsha, aqyly jynystyq qatynas qyzmetin paıdalanatyn er azamattarǵa jaza jezókshelerge qoldanylatyn jazadan da qatań bolady. "Mundaı azamattar sany azaısa, óz tánin satatyn áıelder de azaıady. Joba kelesi jyldyń basynda parlamentke joldanady", - dedi ol.
Sosıolog Marám Davlatovanyń aıtýynsha, mundaı bastamany ol 10 jyl buryn jarıalanǵan maqalasynda kótergen. Onda ol jezókshe qyzmetin qoldanǵan er azamattardy da jazalaý kerektigin aıtqan.
"Suranys bolmasa, usynys ta bolmaıdy. Áıelderdi mundaı áreketke ıtermeleıtin de erkekter, ony paıdalanatyn da solar", - dedi Davlatova.
Tájikstan bıligi sońǵy jyldary jezóksheler kóbeıgenine alańdap otyr. Eldiń ishki ister mınıstrligi ótken jyly shamamen 2 myń áıel jeńil júriske túskeni anyqtalǵan.
