22 qarasha kúni QR Din isteri jáne azamattyq qoǵam mınıstrliginiń  vıse-mınıstri Abzal Núkenov Birikken Ulttar Uıymy Damý baǵdarlamasynyń Qazaqstandaǵy Turaqty ókiliniń orynbasary Mýnhtýıa Altangerelmen birlesken áleýmettik jobalardy júzege asyrýdaǵy yntymaqtastyq máseleleri boıynsha kezdesý ótkizdi, dep habarlaıdy Qamshy.kz aqparat agenttigi.

Kezdesýge sondaı-aq Ortalyq Azıadaǵy Birikken Ulttar Uıymynyń eriktiler baǵdarlamasynyń úılestirýshisi - Dmıtrıı Frıshın, BUU Damý baǵdarlamasynyń baǵdarlamasynyń taldaýshysy - Konstantın Sokýlskıı, QR Din isteri jáne azamattyq qoǵam mınıstriligi Azamattyq qoǵam komıtetiniń tóraıymy Álıa Ǵalymova qatysty.

Kezdesý barysynda A. Núkenov qatysýshylarǵa  mınıstrliktiń eriktiler qyzmetin damytý jolyndaǵy atqaryp otyrǵan qyzmeti jáne aldaǵy josparlary týraly baıandady.

«Eriktiler qyzmet týraly» Qazaqstan Respýblıkasynyń Zańyn iske asyrý maqsatynda eriktilerdiń  is-áreketteriniń monıtorıńi men tirkelýdiń standarttyq erejeleri qabyldandy. Qazirgi ýaqytta memlekettik organdar eriktiler qyzmetine turaqty túrde monıtorıń júrgizýde.  

Sonymen qatar, «Rýhanı jańyǵrý» baǵdarlamasynyń «Atameken» kishi baǵdarlamasy sheńberinde eriktiler  korpýsyn  qurý boıynsha respýblıkalyq joba iske asyrylady. Joba barysynda eriktilerge keńes berý, ádistemelik jáne aqparattyq qoldaý kórsetý úshin  respýblıkalyq jáne  óńirlik deńgeıde  volonterlyq ortalyqtar qurý  josparlanyp otyr.

Birikken Ulttar Uıymynyń Damý Baǵdarlamasynyń ókilderi Qazaqstandaǵy eriktiler ınfraqurylymyn damytýǵa járdemdesý jáne osy saladaǵy halyqaralyq yntymaqtastyqty damytýǵa qoldaý kórsetý jónindegi usynystaryn bildirdi.

Kezdesý qorytyndysy boıynsha  taraptar eldegi eriktiler qyzmetin jetildirý salasyndaǵy yntymaqtastyqty odan ári damytýǵa ýaǵdalasty.