BelTA aqparat agenttiginiń habarlaýynsha, Jerorta teńizin júzip ótpek bolǵan bosqyndar akýla shabýylyna ushyraǵan. Nátıjesinde  31 adam mert bolǵan, taǵy 40-tan astamy iz-túzsiz joǵalǵan, dep habarlaıdy Qamshy.kz aqparat agenttigi.

Somalı, Nıgerıa, Gana jáne Efıopıadan 200-ge jýyq adam eki rezeńke qaıyqpen saparǵa shyqqan. 

Sýda qaıyqtardyń biri zaqymdanyp, sýǵa bata bastaıdy. Sol kezde olarǵa tutqıyldan akýlalar shabýyldaıdy.

Oqıǵa ornyna kelgen Lıvıa jaǵalaý kúzeti ondaǵan adamnyń denesin jáne olardyń qasynda ersili-qarsyly júzip júrgen akýlalardy kóredi. Qutqarýshylar bes saǵat boıy qaıyq apatqa ushyraǵan aýmaqta izdestirý jumystaryn júrgizdi, alaıda iz-túzsiz joǵalǵan ondaǵan bosqyndy tabýdyń múmkindigi bolmady.

Qutqarylǵandardyń basym kópshiligi ekinshi qaıyqtyń jolaýshylary boldy. Olar Lıvıa astanasy Trıpolıge jetkizildi.