Mánma lıderi Aýn San Sý Chjı rohındja halqynyń basynan ótkerip jatqan jaǵdaıǵa beıjaı qaraǵany  úshin  Oksford qalasynyń qurmetti azamaty ataǵynan aıyryldy. Bul jaıynda Independent basylymy habarlaıdy.

Rohındja musylmandary turatyn Mánmanyń batysyndaǵy Rakhaın shtatynda aǵymdaǵy jyldyń 25-shi tamyzynda jaǵdaı kúrt nasharlady. Sodyrlar shabýylynan júzdegen adam kóz jumdy. Mánma áskeriniń qýdalaýymen 600-ge jýyq rohındjaǵa Bangladeshke bas saýǵalaýǵa týra keldi. Mánma respýblıkasynda musylman rohındjalarǵa qarsy genosıd boldy.

Basylymnyń málimetine súıensek, Oksford qalasynyń keńesshileri zorlyq-zombylyqqa kóz juma qaraıtyn adamǵa qalanyń qurmetti azamaty degen ataqty laıyq kórmeıtinderin málimdegen.

Oksford qalasynyń ákimi Merı Klarson óz sózinde «Búgin biz rohındja musylmandaryn azaptaýǵa kóz juma qaraǵany úshin Aýn San Sý Chjıdi qalamyzdyń qurmetti azamaty ataǵynan aıyryp otyrmyz» dep málimdedi.

Jáne atalmysh sheshim qala ákimi keńesshileriniń alǵashqy otyrysynda qabyldanǵan.

Aıta ketsek, Aýn San Sý Chjı – Oksford ýnıversıtetiniń túlegi, 1997 jyly demokratıa jolynda kúreskeni úshin Oksford qalasynyń qurmetti azamaty ataǵyn alǵan.