AQSH Soltústik Koreıanyń zymyran ushyrǵanyna baılanysty KHDR-ǵa degen qadamyn ózgertpeıdi. Bul týraly Amerıka prezıdenti Donald Tramp habarlady, dep jazady Qamshy.kz aqparat agenttigi.
«Bul jaǵdaıdy qalpyna keltirý bizdiń qolymyzdan keletin is», - dedi Tramp óz sózinde.
Tramptyń aıtýynsha, Vashıngton KHDR-dyń zymyran ushyrý máselesine baıyppen qaraıdy.
AQSH basshysy bul týrasynda Japonıa premer-mınıstri Sındzo Abemen aqyldasty. Abe men Tramp Soltústik Koreıa tarapynan tónip turǵan qatermen birge kúresýge sheshim qabyldady. Tokıo men Vashıngton KHDR-dyń «arandatýshylyq áreketi» onyń halyqaralyq qoǵamdastyqtan odan ári alystaýyna septigin tıgizip otyrǵanyn aıtady.
Sondaı-aq, AQSH prezıdenti Soltústik Koreıanyń zymyran ushyrýyn Ońtústik Koreıa basshysy Mýn Chje Inmen de talqylady. Aq úıdiń habarlaýynsha, memleket basshylary KHDR-dyń atalmysh áreketin qatań synaǵan.
Soltústik Koreıanyń kontınentaralyq balıstıkalyq zymyranyn ushyrýyna baılanysty BUU Qaýipsizdik keńesiniń tótenshe kezdesýi ótedi.
