Ońtústik Koreıanyń burynǵy azamatshasy Phenchhanda ótetin qysqy Olımpıadada Qazaqstan namysyn qorǵaıdy, dep jazady Qamshy.kz aqparat agenttigi. Bul týraly 24.kz portaly habarlady.
Kım Iong A – Qazaqstannyń short-trekten áıelder quramasynyń sportshysy.
Álem kýbogynyń úsh kezeńiniń qorytyndysy boıynsha Qazaqstan azamattyǵyn alǵan Kım eki lısenzıa jeńip alǵan. Iong A-nyń ákesi Kım Djong Gon qyzynyń qol jetkizgen medaldaryn kóziniń qarashyǵyndaı saqtap otyr.
Dáriger, dızaıner, mýzykant jáne sportshy mamandyǵyn tańdaǵan tórt qyzdy tárbıelegen áke qandaı maqtaýǵa bolsyn laıyq azamat. Óna tórtinshi synyptan bastap kónkımen júgirý sportymen aınalysa bastaǵan. Sportshy qyz Koreıa men Azıada úzdikter qatarynda.
Ony elimizge Qazaqstan quramasynyń jetekshisi bolǵan burynǵy jattyqtyrýshysy shaqyrǵan. Iong A-nyń Qazaqstan azamattyǵyn alý sheshimine ata-anasy túsinistikpen qaraǵan.
Kım Djong Gon, Kım Iong Anyń ákesi:
- Qazir qaı el unasa sol eldiń azamattyǵyn alýǵa múmkindik bar. Sportshy retinde armanyńa qol jetkizetin elde ómir súrý - óte keremet jáne biregeı baqyt. Qazaqstan turǵyndary óte meıirimdi jáne aýqatty turatynyn bilemin. Úlken aýmaǵy da adamdarǵa erkindik beredi, ári Koreıamen salystyrǵanda ol jaqtyń aýasy taza.
Qazaqstan quramasynda oǵan elimizdiń dańqty qyzy Álıa Moldaǵulovanyń qurmetine oraı Álıa degen esim berilgen.
Astanada turǵan úsh jyl ishinde Kım Iong A qazaqtyń til úıirer taǵamdaryn súısine jep, qazaq tilin úırenýdi bastap ketken.
Kım Iong A, short-trekten Qazaqstan quramasynyń múshesi:
- Qazaqstanmen salystyrǵanda Koreıadaǵy muz alańdary áldeqaıda sýyq. Sondyqtan da jattyǵý jasaǵan qolaıly. Phónchhanda meniń búkil ómirim ótti, aýa-raıyn da jaqsy bilemin, as-aýqaty da úırenshikti men úshin. Sondyqtan da osynda ótetin olımpıadada jeńiske jetýge bar kúsh-jigerimdi salamyn.
Kım Iong A short-trekten áıelder quramasymen birge olımpıada aldyndaǵy jattyǵýlaryn Ońtústik Koreıada ótkizetin bolady. Baıraqty báseke aldynda ata-ananyń qoldaýy da mańyzdy. Olar jattyǵý kezinde qyzdarynyń janynan tabylý úshin Phónchhandaǵy olımpıadaǵa bılet te alyp qoıypty.
