Almatyda «Asyl mura» baǵdarlamasy aıasynda fýtboldan meshitke kelýshi jamaǵattar arasynda fınaldyq kezeńi ótti, dep habarlaıdy Qamshy.kz aqparat agenttigi qalanyń aqparattyq jáne sporttyq HAB-yna silteme jasap.

«Baǵanashyl» sport kesheninde Almaty qalasynyń barlyq aýdannyń úzdik meshitteriniń sportshylary bas qosty. Olar: Uljan (Alataý aýdany), Aqsaı (Áýezov aýdany), Tóle bı (Almaly aýdany), Báıken (Bostandyq aýdany), Ámın (Jetisý aýdany), Almerek (Túrksib aýdany), Ál-Hamıd (Medeý aýdany), Qalqaman (Naýryzbaı aýdany) meshitteriniń ókilderi.

Úshinshi oryn úshin ótken oıynda Uljan men Ál-Hamıd meshitiniń fýtbolshylary kezdesip, 3:1 esebimen Medeý aýdanynyń meshiti jeńiske jetti. Aqtyq básekede Qalqaman jáne Tóle bı ujymdary jolyqty. Tartysty ótken sheshýshi oıynda Almaly aýdany 4:2 esebimen jeńiske jetti. 

«Biz osy týrnırdi jeńip alǵanymyzǵa qýanyshtymyz. Barlyǵy da joǵary deńgeıde ótti. Aldaǵy ýaqytta osyndaı jarystar jıi bolyp tursa jaqsy bolar edi. Biz ózimiz fýtboldy jıi oınap turamyz», - dedi «Tóle bı» komandasynyń oıynshysy Danıar Sahı.

Jeńimpazdar men júldegerler kýbok, medal jáne dıplomdarmen marapattalyp, baǵaly syılyqtarǵa ıe boldy. Al, birinshi oryn alǵan komandaǵa 1 mln teńge syıaqy tabystaldy.

«Asyl mura» baǵdarlamasy meshitke kelýshi jamaǵattar arasynda buqaralyq sportty damytý maqsatynda júzege asyrylǵan.