Parlament Senatynyń depýtaty Darıǵa Nazarbaev Almatydaǵy Fýrmanov kóshesiniń ataýyn aýystyrýǵa qatysty pikir bildirdi, - dep habarlaıdy Qamshy.kz aqparat agenttigi Tengrinews.kz málimetine súıenip.
"Bul jaıly ózim de qazir ǵana bildim. Obektıvti jáne sýbektıvti túrli sebepter boıynsha bul suraqqa sýbektıvti jaýap berý qıyn. Biraq elimniń azamaty retinde, elimdi súıetin adam retinde, Táýelsizdigimizdiń 25 jyl boıyndaǵy jetistikterimizge qýanatyn adam retinde bul sheshimdi durys dep esepteımin jáne bizdiń kóshbasshy elimizdiń beıbit ári tynyshtyqta ómir súrip jatqany úshin osyndaı joǵary qurmetke laıyq", - dedi Darıǵa Nazarbaeva Senat úzilisinde.
"Sonymen qatar, Prezıdentimiz iri masshtabtaǵy adam ekenin bilemiz, ıadroǵa qarsy jáne halyqaralyq terorızmmen kúres boıynsha qandaı iri bastamalary bar ekenin bilemiz", - deıdi depýtat.
Darıǵa Nazarbaeva Qazaqstannyń álemde ıadro qarýynan birinshi bolyp bas tartqan el bolǵanyn eske saldy.
"Búginde biz Astananyń qaqtyǵysýshy taraptardyń kezdesýine senimdi alańy bolyp otyrǵanyna kýámiz. Sonda biz halyqaralyq jáne óńirlik qaqtyǵystardy retteýge belsendi aralasyp jatyrmyz. Sondyqtan osynyń bárin árjaqty sarapaı kele, ádil baǵasyn bersek, Memleket basshysy joǵary qurmetke laıyq. Ol tarıhtyń adamy", - dedi senator.
Al jýrnalıserdiń Nazarbaev buryn mundaı bastamalarǵa qarsy bolǵany jaıly suraǵyna senator bul bastamanyń "tómennen" aıtylǵan bolýy múmkin ekenin aıtyp, jaýap berdi.
"Bul jaǵdaıda men ózimniń de qazir ǵana bul týraly bilip otyrǵanymdy aıta keteıik. Bul tómennen aıtylǵan bastama bolýy kerek", - dedi ol.
Eske salaıyq, búgin, 30 qarashada Almatydaǵy Fýrmanov kóshesi Nazarbaev dańǵyly bolyp ózgerdi.
