Odessa oblysynyń burynǵy gýbernatory Mıhaıl Saakashvılıdi Kıevte ustady dep habarlaıdy Qamshy.kz aqparat agenttigi BBC-ge silteme jasap. 

«Polıseıler Mıhaıl Saakashvılıdi úıiniń shatyrynan túsirip aldy» dedi depýtat Vıktor Chýmak telearna efırinen.

Saakashvılıdi Kostelnoı kóshesindegi ǵımarattan kúshtep shyǵaryp, avtobýsqa otyrǵyzyp alyp ketti. Úıiniń janynda júzdegen adam jınaldy.

Bolyp jatqan oqıǵa Feısbýkte tikeleı efırde kórsetildi. Odan saıasatkerdiń 8 qabatty úıdiń shatyryna shyǵyp, «sekirip ketemin» dep qorqytqanyn kórýge bolady.  

Ýkraınanyń qaýipsizdik qyzmeti Mıhaıl Saakashvılıdiń Kıevtegi úıinde tintý jumystaryn júrgizdi.

Saakashvılı qylmystyq uıymdarmen baılanysty degen kúdikpen ustaldy. Saıasatkerdiń advokaty Pavel Bogomazovtyń TASS agenttigine bergen suhbatynda Saakashvılıdi konstıtýsıalyq qurylymdy qulatýǵa talpyndy dep aıyptaǵanyn aıtqan.

Mıhaıl Saakashvılı Ýkraınada jeltoqsanǵa deıin ǵana júre alady. Ruqsatty eldiń kóshi-qon qyzmeti berdi.

Buǵan deıin ony Ýkraına azamattyǵynan aıyrǵan. Ol saıası baspana suraǵan, alaıda Ýkraına bıligi oǵan bosqyn mártebesin berýden bas tartty.