Bıylǵy jyly Shyǵys Qazaqstan oblysyndaǵy kópke áıgili kıeli oryndar men qajylyq etetin jerlerdi abattandyrý úshin kóp jumystar jasaldy. 2017 jylǵy 29 qarashada Astana qalasyndaǵy Ortalyq komýnıkasıalar qyzmetinde ótken brıfıń barysynda Shyǵys Qazaqstan oblysynyń ákimi Danıal Ahmetov bıliktiń bul baǵyttaǵy jumystardy jalǵastyrýǵa nıetti ekendigin aıtty.

2017 jyly Abaı aýdanyndaǵy Qońyr-Áýlıe úńgirine abattandyrý jumystary júrgizildi. Qasıetti jerlerdiń biri bolyp sanalatyn Qońyr Áýlıe úńgirin kórkeıtýge 25 mln teńge bólindi. Atqarylǵan jumystyń nátıjesinde úńgirge túsip bara jatqan adamdardyń alaý jaǵýynan qalǵan qaldyqtar, úńgirdiń mańaıynda jatqan barlyq qoqystar tazartylǵan. Qurylysshylar kire beriske joǵary qorǵanys ǵımaratyn ornatty. Kelýshilerge arnalǵan aǵash baspaldaqtar men oryndyqtar qoıyldy.

Sonymen qatar, Tarbaǵataı aýdanyndaǵy Yrǵyzbaı ata kesenesi kórkeıtildi: elektr jelisi ornatylyp, sýburqaq salynǵan. Bul jumystarǵa 50 mln teńge jumsaldy.

Búginde oblystaǵy basqa da kıeli oryndardyń týrısik ınfraqurylymyn damytý boıynsha usynystar ázirlenýde.