Reseı bıligi jeltoqsan aıynyń basynan bastap, Novosibir oblysyna Qazaqstan men Qyrǵyzstannan kelgen ondaǵan tonna jemis-jıdek pen kókónisti ótkizbeı qoıǵandyǵy týraly málimdedi. Novosibir oblysynyń veterınarlyq jáne fıtosanıtarlyq qyzmet basshylyǵy «Karasýk» postynda 76 tonna taýardyń talaptarǵa sáıkes kelmeıtindigin aıtty, dep Qamshy.kz aqparat agenttigi Azattyqqa siltep jazady.
Basshylyqtyń habarlaýynsha, Qazaqstannan kelgen pıaz ben Qyrǵyzstannan kelgen qurma, alma, qaýynnyń jalpy 55,7 tonnasynyń qaptamasynda tańbasy joq. Al qyrǵyzstandyq keptirilgen shıe, jańa pisken aıva men qurma, qyzyl kúrish, qazaqstandyq qaraqat, anar, jańǵaq, sonymen qosa qytaılyq mandarın men júzimniń 69 kılogrammynyń fıtosanıtarlyq sertıfıkaty bolmaǵan. Osy sebepti ákelingen taýar qaıta qaıtarylatyn bolady.
Qazaqstannan kelgen 36 kılogramm jańa pisken almurtty qyzmet basshylyǵy mehanıkalyq jolmen joıyp jibergen. Óıtkeni onyń fıtosanıtarlyq sertıfıkaty bolmaǵan.
