Álemde jyl saıynǵy para kólemi trıllıon dollardy quraıdy. Oǵan qosa álemdik ekonomıka sybaılas jemqorlyq áreketterine baılanysty taǵy 2,6 trıllıon dollardy joǵaltady. Bul týraly Qamshy.kz aqparat agenttigi BUU jańalyqtar ortalyǵyna silteme jasap habarlaıdy.
BUU jemqorlyq kez kelgen qoǵamnyń áleýmettik-ekonomıkalyq damýyn tejeıtin úlken qylmys ekenin eske salady. Birde-bir memleket, birde-bir aımaq sybaılas jemqorlyqtan saqtandyrylmaǵan.
«Transparency International» uıymynyń málimetinshe, Reseı, Ýkraına jáne Qazaqstan sybaılas jemqorlyq ındeksimen álem boıynsha 131-shi orynda tur. Bıylǵy jyly BUU-nyń esirtki jáne qylmys jónindegi basqarmasy men BUUDB birlesip sybaılas jemqorlyqtyń bilim, densaýlyq saqtaý salalary, ádilettilik pen demokratıaǵa qalaı yqpal etetinin túsindirýdi kózdeıtin birlesken joba naýqanyn jasaýda.
