Bekbolat Tileýhan elimizdegi radıkaldy toptar týraly pikir bildirdi, — dep habarlaıdy Qamshy.kz aqparat agenttigi. Ol elimizdiń batys óńirindegi jastardyń kóbisi jat aǵymnyń etegine erip ketkenin aıtty. Bekbolat Tileýhannyń aıtýynsha, elimizdegi jat aǵym máselesine QMDB-nyń da, qazaqtardyń da qatysy joq, bizdiń eldi arandatyp júrgen ózge memleketter eken. 

«Oılanyp kórińizdershi. Nege radıkaldy toptar qaıta-qaıta Aqtóbeden shyǵady? Nege Atyraýdan shyqpady? Nege Aqtaýdan, Oraldan shyqpady? Endi sizderge suraq qoıaıyn. Atyraýdaǵy munaıynda qaı memleketterdiń úlesi bar? AQSH pen Batys elderiniń. Aqtaý men Oral munaıynda da  osy memleketterdiń úlesi bar. Al Aqtóbedegi munaıda Qytaıdyń úlesi bar. Nege sol Qytaı otyrǵan jerden, Qytaıdyń turbasy salynǵan jerden qaıta-qaıta janjal shyǵa beredi? Atyraýdaǵy, Aqtaýdaǵy shekten shyǵyp júrgen jastar men Aqtóbedegi jastardyń aıtarlyqtaı aıyrmashylyǵy joq. Óıtekeni másele Qytaıdyń turbasynyń túbinen shyǵyp jatqan syrtqy kúshterdiń naqty jasap jatqan dúnıesi. Bul jerde qazaqtyń eshqandaı úlesi joq. Bul arnaıy túrde syrtqy kúshterdiń jasap jatqan dúnıesi», deıdi Bekbolat Tileýhan.