Sheteldik BAQ-tyń ókili Djafar Abdýl Karım Ammana turǵyndarynyń arasynda áıelderdiń jumys jasaýyna qatysty saýalnama júrgizdi, — dep habarlaıdy Qamshy.kz aqparat agenttigi. Ammana Islam memleketteriniń biri Iordanıa eliniń astanasy. Djafar Abdýl Karım jergilikti turǵyndardan «áıelińizdiń nemese qaryndasyńyzdyń jumys jasaýyna qalaı qaraısyz?», — dep suraq qoıdy.

Saýalnamaǵa qatysýshylardyń barlyǵy derlik óz qarsylyǵyn bildirdi. Tek bir saýalnamaǵa qatysýshy azamat qana áıeliniń jumys jasaýyna qarsy bolmaıtynyn aıtty. Ol «tek jumys orny qaýipsiz bolýy kerek», — dedi. 

«Bul múmkin emes jaǵdaı. Áıel adam úıden ákesiniń nemese kúıeýiniń ruqsatynsyz shyqpaýy kerek», deıdi saýalnamaǵa qatysýshy ıordanıalyq.

 «Áıelim, qaryndasym, ápkem jumys jasaıtyn bolsa meniń erkektigimnen ne qalady? Áıelim, ápkem men qaryndasym — meniń namysym. Sondyqtan bul óte mańyzdy. Eger men áıelime jumys jasaýǵa ruqsat etetin bolsam, ol aqsha úshin bóten jerde qyzmet etetin bolsa men namysymnan, erkektigimnen aıyrylamyn», — dep jaýap berdi saýalnamaǵa qatysýshy.

Djafar Abdýl Karım er azamattardyń birinen «eger áıelińiz sizge qarsylyq tanytsa ne isteısiz?», —dep suraq qoıdy. Saýalnama qatysýshylardyń biri áıelin oılanbastan óltiretinin aıtty.

«Buǵan tyıym salynǵan. Bul – ardyń isi. Erkegi bar úıdiń asyraýshysy da erkek. Eger maǵan qarsy shyqsa men ony atyp tastaımyn. Men ony óltiremin. Men shyndyǵymdy aıttym. Bul jerde eshqandaı ábestik joq. Bul — bizdiń namysymyz»,  — dep kúlip jaýap berdi ol.