16 jeltoqsanda «Almaty arena» stadıonynda qazaq kúresinen «Eýrazıa Barysy» álem Kýbogy ótedi dep habarlaıdy Qamshy.kz aqparat agenttigi. Bıyl «Eýrazıa Barysyna» Brazılıa, Japonıa jáne Kamerýn elderi tuńǵysh ret qatysady. Al, birneshe ret júldegerler qatarynan tabylǵan Mońǵolıa men Grýzıa komandalary qazaq kúresinen tájirıbeleri mol. Sonymen qatar, jarysqa Ózbekstan, Túrkıa jáne Qazaqstannyń qos komandasy baq synaıdy.

Qazaqstan namysyn qorǵaıtyn balýandar: Aıbek Nuǵymarov, Daýylbaı Ospan, Qýanysh Ysqaqov, Baqdáýlet Sábıtov, Aıdos Ǵalymov, Ersultan Muzapparov, Bekzat Ahmetbekov, Asyl Bármenov, Erlan Estek. Sondaı-aq, Dáýlet Nıetbaı, Erjan Maǵaýınov, Qasymhan Tólenbaı, Amankeldi Tólemisov, Sahan Ábdiqasym, Saıat Shamshıev, Vıktor Demánenko, Rýslan Ábdirazaqov, Ǵanı Keldiqulov.

Buǵan deıin halyqaralyq týrnır retinde ótken jarys besinshi ret jalaýyn jelbiretpek. Úsh jyl Taraz qalasynda uıymdastyrylǵan  «Eýrazıa Barysy» bıyl ekinshi ret Ońtústik Astanada ótkiziledi. Jyl saıyn jarysqa Grýzıa, Mońǵolıa, Reseı, Polsha, Túrkıa, Qyrǵyzstan taǵy basqa kóptegen eldiń bilekti balýandary baq synap keledi. Sonyń ishinde Qazaqstan quramasy atalǵan komandalyq jarysta úsh ret top jardy, tek 2014 jyly ǵana Mońǵolıa quramasy qarsylas shaq keltirmedi.

 Aıta keteıik, «Eýrazıa Barysy» álem Kýbogy – komandalyq saıys. Ár komandada segiz balýannan kúresedi. Sportshylar 55, 60, 66, 74 , 82, 90, 100 jáne +100 keli salmaq dárejesi boıynsha myqtyny anyqtaıdy.

           «QAZAQSTAN» UTA saǵat 13:00-de al, «QAZSPORT» telearnasy 12:45-te tikeleı efırde kórsetedi.