Almaty men Astanada "Áýe taksı" dep atalatyn qyzmet túri paıda boldy. Olar jolaýshylardy tikushaqpen tasymaldaýdy usynady. Bul týraly Tengrinews.kz LS basylymyna silteme jasap habarlaıdy.
Basylymnyń málimetinshe, ushý qashyqtyǵy - 600 shaqyrymǵa deıin.
Áýe taksıiniń tikushaq parkinde Qazaqstanda qurastyrylǵan 16 evrokopter, reseılik Mı-8 tikushaqtarynyń 7 danasy jáne Robinson dep atalatyn sheteldik úsh tikushaq modeli bar.
Tasymaldaý quny qashyqtyǵyna, jolaýshylar sanyna jáne ushý ýaqytyna baılanysty. Ortasha eseptegende bir saǵat ushý 300 myńnan 800 myń teńgege deıin.
Áýe taksıi qyzmetin bastaǵaly beri 10 reıs jasap úlgergen.
Derekkóz: Tengrinews.kz
