Qytaılyq uıaly telefon óndirýshiler jańadan Xiaomi smartfonyn naryqqa shyǵardy. Pekınde shyǵatyn Mi Note jáne Mi Note Pro telefondary Apple kompanıasynyń jańa ónimi iPhone altyǵa básekeles bolady dep kútilýde.
Kompanıa dırektory Leı Szún Mi Note smartfonyn tanystyrý kezinde iPhone 6 jáne iPhone 6 Plus smartfondaryna qaraǵanda jeńil ári ustaýǵa yńǵaıly dedi.
Jańa telefonnyń ekranynyń dıagonaly 5,7 dúım, qalyńdyǵy 6,95 mm, salmaǵy 161 gram. Aıfon 6 plúspen salystyrǵanda 1,05 mılımetrge juqa ári 11 gramǵa jeńil kórinedi.
Mi-Note telefonynyń saqtaý syıymdylyǵy 16 Gbaıt, prosesory tórt ıadroly Snapdragon 801, jedel jady 3 Gbaıt bolyp jabdyqtalǵan. Onyń quny 2.299 ıýán turady. Iphone 6 Plus jáne Samsung Galaxy Note 4 smartfondarymen salystyrǵanda eki esege arzan. Eki modelde de 13 Mp jáne 4 megapıkseldi Sony kompanıasy jasaǵan eki kamera bar.
Mi Note naryqqa shyqqan kúnnen bastap jyldam ótip jatqan kórinedi. Al, MiNote Pro smartfonyn tolyq nusqasyn tek naýryz aıynda ǵana satyp alýǵa bolady. Ekrannyń kólemi 2560h1440 (515 pıksel dúım), Mi Note Pro Snapdragon 810 prosssory negizinde segiz ıadroly bolady. Jedel jady 4 gb kóbeıtildi. Al saqtaý syıymdylyǵy 64 gb.
"Xiaomi 2014 jyly álemdegi eń jyldam telefon óndiretin kompanıalardyń biri boldy. Qazirgi kezde kompanıa básekelesterin naryqta baǵa boıynsha utýy múmkin", – deıdi sarapshylar.
Derekkóz: BAQ.kz
