Marat qajy Esenbaev 18 jastaǵy arýmen nekesin qıdy. Buǵan deıin "synaq merziminde" júrgen Gúlıar esimdi arý endi atyshýly Sary áýlıeniń zańdy áıeli.

Qazirgi ýaqytta olar perzent kútip júr eken.

Marat qajy buǵan deıin "Úıdegi báıbisheler tórtinshi áıeldi "qashan ákelesiń" dep asyǵa tosyp júr. Tárbıemiz taza musylmansha bolǵandyqtan, bundaı jaǵdaılar bizdi qaıta qýantady. Ózim bul qyzdy áli jas, es toqtatsyn, tárbıeme baǵynar bolsa ǵana úılenemin, áli jazǵa deıin meniń synaǵymnan ótedi", - degen bolatyn.

Gúlıar Marat qajynyń senimin aqtap, degenine kónse kerek, qys ótpeı jatyp olar otbasyn qurýǵa bel býypty.

Bul Marat qajy men Gúlıardyń zańdy nekelesý kezindegi týystarymen túsken sýreti.

Marat qajynyń ózi "Sońǵy kezderi baýyrym qatty mazamdy alyp júr. Ózime qaraýǵa  a ýaqytym joq. Túbinde meni alatyn dert qoı. Jaqynda ota jasatamyn dep otyrmyn. Dárigerler baýyrymnyń derti asqynyp ketken dep jatyr. Endi barlyǵy da ýaqyt enshisinde", - deıdi densaýlyǵyna qatysty.

Bul kisi Marat qajynyń ózinen alty jas kishi enesi. Iaǵnı jary Gúlıardyń - anasy.

Marat qajy óz sózinde  "Eki taraptyń týystary da bas qosqanymyzǵa dán rıza. Jekjattyq qarym-qatynas bastalyp ta ketti", - deıdi.

Marat qajy el arasynda "Sary áýlıe" atymen 90-shy jyldary keńinen tanylǵan edi. Ol Qazaqstannyń ár aımaǵyna, emdik seansyn ótkizýge kelgen kezde úlken stadıondardyń ózine halyq syımaı qalatyn.

Jaqynda ǵana bergen suhbattarynyń birinde Marat qajy, ózin arnaıy shet elderge shaqyratyndar kóp ekenin aıtqan edi. Eminiń baǵasy 4000 AQSH dollarynan 80 000 AQSH dollarynyń aralyǵynda eken. Esterińizde bolsa, birneshe jyl buryn Marat qajynyń úlken eki qyzy "páterimizdi tartyp aldy" dep ákelerin aıyptaǵan edi.

Marat qajynyń ózi  úlken qyzynyń ersi qylyqtaryn aıtyp odan bas tartatynyn málimdedi.

Sýretter Marat Esenbaevtyń áleýmettik jelidegi paraqshasynan alyndy.

"Nur.kz"