18 qańtar kúni keshkisin Shymkenttegi Baýyrjan Momyshuly kóshesinde kólikte kele jatqan jigitke oq atylyp, júrgizýshi aýyr jaraqatpen aýrýhananyń jansaqtaý bólimine jetkizildi.

Oqıǵa bylaı órbigen. 1993 jyly týǵan azamat "Toıota Kamrı" markaly kólikpen kele jatqan kezinde belgisiz bireýler avtomashınamen qýyp jetip, qarýdan birneshe ret oq atqan.

Ol basyna tıgen bytyradan jaraqat alady. Qańǵyǵan oqtan kóshede kele jatqan qyz bala da jeńil jaraqattanǵan.

Osy iske qatysty shuǵyl izdestirý jumystary nátıjesinde 5 jigit qolǵa túsken. Olar qazir qamaýǵa alynyp, qylmystyq is qozǵaldy.

Qaladaǵy Abaı aýdany prokýrory Ábýtálip Mustafaevtyń málimdeýi boıynsha, ustalǵan 5 azamattyń jeke bastary anyqtalǵan. Tergeý amaldary barysynda qylmys kezinde taǵy bir jigittiń bolǵany belgili bolypty.

Qazir kúdikti izdestirilýde. Tergeýdi ishki ister organdary júrgizýde. 24.kz