Oralman degen kim?- deseń,
Shoshqanyń etin jemek túgily,
Beınesinede qaramaǵan,
San tarıh samaıyn jaralaǵan.
Esin jyıyp eline oralǵanda,
"Qashqynsyń",-dep baýyry qaralaǵan.
Qaltasynda kók tıyn bolmasada,
Adamnan nan suraýdy qalamaǵan.

Til men dini qalpynda joıylmaǵan,
Páktigine esh shekit qoıylmaǵan.
Qazaqstan qazaǵy moıyndamaı,
Búkil alem (momyn) muhmyn dep moıyndaǵan
Balasy 4 jasynda atqa mingen,
Patshadanda baısaldy taqqa mingen.
Atasynyń qylyshyn dat bastyrmaı,
Torǵynǵa orap tórine saqtap ilgen.

Qyzdarynyń baltyry ashylmaǵan,
Jaratqannan basqaǵa basurmaǵan.
Sálem bergen adamdy týys kórip,
Kóńiline qupıa jasyrmaǵan.

Nárestesi kózdi ashyp besik kórgen,
Jerdiń júzin aralap kóship kórgen,
Qazaqstan shańyraq kótergende,
"Bir ýyǵy bolam!",-dep kóship kelgen.

Jónsiz joldy jaqyn dep basqan emes,
Kindigi men tizesin ashqan emes.
Ketkeni ras din, tilin saqtaý úshin,
Beker bosqa, tentirep qashqan emes.

Týǵan jer topyraǵyn shytqa túıip,
Saǵynǵanda sony ıiskep jylyp júrgen.
Urpaq úshin erteńgi josyp júrgen,
Balasyda jaýynger esin bilgen.
Jantaıatyn jattyq jer tappaǵanmen,
At jalynda namazyn oqyp júrgen.

"Qashqynsyńdar!"-deıtuǵyn ókpeshil kóp,
El bolǵan soń uıalmaı jetkesiń dep.
Eriý eldiń súzegen taıynshalary,
İresede úndemeı ókpesin kóp.

Mine osylar siz aıtqan oralmandar,
Shetelde emes úıge kep tonalǵandar.
Myń jyǵylyp, myń turyp muqalmaıtyn,
Sabyrlyqpen bárine tóze alǵandar.
"Oralman",-dep baýyrym jamandama,
Teńge, dollar tapsyr dep jalańdama.
Damytpasa oralman kemitpeıdi,
Alańdama, olardan alańdama!

Laıy joq, tap-taza tili tunyq,
Eı, baýyrym! qaraısyń nege sýyq.
Orys, Karıs, nemistiń balasy emes,
Úrikpe óz týysyń saǵan jýyq.

Qasymyz joq, qarsy alar dosymyz dep,
Kelgenderge qushaqty ashyńyz kóp.
Altyn izdep kelmegen asyl izdep,
Atasynyń kelgender basyn izdep.
Oılamańdar boldy dep aýyr salmaq,
Ár pendeni turady tańir qoldap.
Yryzdyqty berýshi tek bir Allah,
Dametpeıdi sizderden jarty jarmaq.

Bilim izdep kelgender, ǵylym izdep,
Kalbasa men kelmegen, shylym izdep.
İzdep kelgen aǵamyz, inimiz dep,
Týystyqtyń qadyryn bilińizdep.
Borshylyq dúnıeni biraq tastap,
"Elim",-dep kelgender "Elim",-dep

Bekbolat Tileýhan