Aqtóbede kúshti jeldiń saldarynan qalanyń basty shyrshasy qulaǵan. Jergilikti bılik «Jańa jylǵa deıin shyrshany qaıta turǵyzamyz» dep ýáde berdi, dep jazady Qamshy.kz aqparat agenttigi.

«Aýa-raıynyń qolaısyzdyǵyna qaramastan Aqtóbeniń basty shyrshasyn qaıta qalpyna keltirý jumystary jasalyp jatyr. Muny eskergen barsha áleýmettik jeli qoldanýshylaryna alǵys aıtamyz. Mundaı jaǵdaı qaıtalanbas úshin tıisti sharalar qoldanylady. Alańdaıtyn dáneńe joq. Kúni erteń qonaqtar men balalar basty shyrshanyń janynda sýretke túsýin jalǵastyratyn bolady», - delingen Aqtóbe qalasy ákimdiginiń Feısbýktegi paraqshasynda.

Al budan buryn Astana qalasynyń Turan kóshesindegi jasandy shyrsha órtengen bolatyn. Oqıǵa tańǵy saǵat 06:19-da oryn alǵan. 06:38-de órttiń beti qaıtty. Órt sóndirýshilerdiń jyldam qyzmetiniń nátıjesinde tilsiz jaý aınalaǵa tarap úlgermegen. Órttiń shyǵý sebebi áli anyqtalǵan joq.

Alaıda turǵyndar áleýmettik jelide óz narazylyqtaryn bildirýde. Tipti shyrshany múldem ornatpaý týraly usynys aıtqandar da kóp boldy.