Madrıdtiń "Real" klýbynyń shabýylshysy Krıshtıaný Ronaldýdyń ǵashyǵy Irına Sheık Qazaqstan azamaty Bekmuhambet Nıazymbetovpen kezdesip júr eken. Bul týraly sheteldik basylymdar jarysa jazýda.

Dálel retinde batystyq basylymdar Irına Sheık pen belgisiz bir er azamattyń Gavaı araldaryndaǵy sýretterin alǵa tartyp otyr. Bul sýrette reseılik sánqoı ish kıimderdiń jarnamasyn jasap turǵany túsirilgen. Al onyń qasynda bir er azamat bolǵan.

Sol kadrǵa túsip qalǵan er jigitti jurtshylyq Qazaqstan azamaty Bekmuhambet Nıazymbetov dep júr. Biraq keıin munyń bári de ótirik ekeni anyqtaldy. Onyń bárin tilshiler ádeıi jasap otyrǵany belgili boldy.

Degenmen, Krıshtıaný Ronaldý men Irını Sheık arasyndaǵy mahabbat hıkaıasy aıaqtalǵany týraly áli de sóz bolyp jatyr. Alaıda tilshilerdiń bul aqparatyn fýtbolshynyń ózi de, onyń ǵashyǵy da áli rastaǵan joq.

"Tańnan keshke deıin telefonymda tynyshtyq joq. Aldymen bul jaǵdaıdy dostarym suraǵan edi, keıin tilshiler suraýǵa kóshti. Bir qyzyǵy, habarlasqandardyń barlyǵy maǵan senbeıdi. Shynymdy aıtsam, bul qyz meni qyzyqtyrmaıdy. Sebebi, ol meniń tańdaýymdaǵy qyz emes. Óte aryq", - deıdi Astana qalasynyń turǵyny Bekmuhambet Nıazymbetov "Ekspress K" basylymyna bergen suhbatynda.

Kz.troniks.kz basylymynyń habarlaýynsha, Nıazymbetov Astana qalasynda syrly kirpishterdi satatyn kásipker. Onyń Irına Sheıkke múlde qatysy joq.

Sýrettegi er azamat Sheık jumys isteıtin kompanıanyń qyzmetkerleriniń biri deıdi basylym. Al beıresmı aqparat boıynsha, kadrǵa túsip qalǵan azamat Azıa aımaǵyndaǵy iri model kompanıasynyń dızaıneri eken.