Múlikti jarıa etý aksıasynyń aıasynda Dýbaıdan (BAÁ) múlik zańdastyrý boıynsha ótinish kelip tústi dep habarlady Qarjy mınıstrligi baspasóz qyzmetinen.

Salyq organyna Almaty oblysynyń aýmaǵynan QR tys jerlerde múlikti jarıa etýge ótinish kelip túsken. Dýbaıdaǵy zańdastyrylatyn múliktiń quny 108, 229 mln teńge. Budan buryn habarlanǵandaı, Soltústik Qazaqstan oblysynyń turǵyny somasy 421 myń teńgege Reseıden múlikti zańdastyrýǵa ótinish túsken. Salyq organdary onyń ótinishin qanaǵattandyrdy. Tutastaı Qazaqstan aýmaǵyndaǵy múlikti zańdastyrý boıynsha jergilikti atqarýshy organdardyń janyndaǵy komısıaǵa jalpy somasy 131, 6 mlrd teńgege 17 070 ótinish tústi: somasy 96,4 mlrd teńgege 13 637 turǵyn úı nysany; somasy 33,7 mlrd teńgege 7 752 turǵyn emes nysan; onyń ishinde 20,5 mlrd teńgege 1 630 komersıalyq nysan; somasy 0,7 mlrd teńgege 13 zańdy tulǵalarǵa qatysý úlesi; somasy 0,8 mlrd teńgege baǵaly qaǵazdar. Somasy 47,8 mlrd teńgege 8 310 nysan jarıa etildi. Ulttyq bank esebininń derekterine súıensek, ekinshi deńgeıli bankterde 2015 jylǵy 14 qańtardaǵy jaǵdaı boıynsha jalpy somasy 9,6 mlrd teńgege aqshany zańdastyrýǵa 52 jınaq shoty ashyldy, jınaq shotynan búdjetke aqshany zańdastyrǵany úshin 338,0 mln teńge jıyn tóleı otyryp, 3,1 mlrd teńge alyndy. El ekonomıkasyna 2,9 mlrd teńge ınvestısıalandy. 1-N esebiniń derekterine súıensek, 2015 jylǵy 15 qańtardaǵy jaǵdaı boıynsha "Múlikti zańdastyrǵany úshin jıyn" 206110 kody boıynsha búdjetke naqty 348,8 mln teńge tústi. "QazInform"