Qazaqstan Bangladeshtegi mánmalyq rohındja musylmandaryna resmı gýmanıtarlyq kómek kórsetý úshin $500 myń bóledi, jazady Qamshy.kz aqparat agenttigi.
Tengrinews.kz portalynyń málimetinshe, qarajat 2017 jyldyń búdjetinde Qazaqstan Respýblıkasy men ózge memleketter aýmaǵyndaǵy tabıǵı jáne tehnologıalyq tótenshe jaǵdaılar qorynan bólinedi.
Budan buryn, RIA Novovstı tórt aıda Mánmanyń Rokhaın shtatynan Bangladeshke 665 myń rohındja qashyp barǵanyn málimdegen.
"25 jeltoqsanda Bangladeshke rohındja bosqyndarynyń kele bastaýyna tórt aı tolady. Sońǵy málimetter boıynsha, bul ýaqytta 665 myń adam kelgen. Bul Koks-Bazardaǵa jalpy rohında sanynyń 867,5 myń adamǵa jetýine ákeldi", - degen edi Kóshi-qon boıynsha halyqaralyq uıymynyń resmı ókili Djoel Mıllman.
Rohındja, Mánmanyń Rakhaın shtatynda turyp jatqan etnıkalyq bengal-musylmandary. Rohındja sodyrlarynyń mánmalyq shekara postaryna jasaǵan shabýylynan keıin el áskeri keń aýqymdy jaýapty operasıa saldarynan olar Bangladeshke qashqan.
