2018 jylǵy 1 qańtarynan bastap – «Qazaqstan Respýblıkasyndaǵy kedendik retteý týraly» jańa keden kodeksiniń kúshine enýi kútilýde dep habarlaıdy Qamshy.kz aqparat agenttigi.
Bul qujat bıznestiń tikeleı qatysýymen daıyndaldy jáne kedendik ráimderdi ońaılatýǵa, ýaqyttyq jáne qarjylyq shyǵyndardy tómendetýge, sondaı-aq syrtqy ekonomıkalyq qyzmetti júrgizýdiń lıberaldy sharttaryn ornatady.
Kodekstiń negizgi novelasy elektrondyq kedendik deklarasıalaýdyń basymdylyǵy bolyp tabylady. Endi qaǵaz túrindegi deklarasıalaý tek qana avarıalyq jaǵdaılardaǵy aqparattyq júıelerdiń aqaýlary sıaqty erekshe jaǵdaılarda ǵana júzege asyrylady.
Budan basqa qaǵaz túrindegi deklarasıa tranzıt kedendik rásimine ornalastyrylatyn taýarlardy, jeke paıdalanýǵa arnalǵan taýarlardy, sondaı-aq halyqaralyq tasymal kólik quralyn deklarasıalaý kezinde usynylady.
Zańnamany buzý táýekeli joq bolǵan jaǵdaıda kedendik deklarasıalardy keden organdarynyń laýazymdy tulǵalarynyń qatysýynsyz – aqparattyq júıelerdi qoldanýmen avtomatty túrde tirkeý jáne shyǵarý múmkindigi qarastyrylǵan.
Keden organdaryna aldyn ala aqparatty usyný boıynsha qaǵıdalar edáýir pysyqtaldy. Aldyńǵy qatarly memleketterge uqsas aldyn ala aqparatty jetkizilimderdiń qaýipsizdigin qamtamasyz etý maqsaty úshin usyný qajettiligi engizildi.
Bul rette kedendik operasıalardy jasaýdy jyldamdatý maqsaty úshin birýaqytta birneshe kedendik operasıalar kezinde qoldanyla alatyn qosymsha aldyn ala aqpraratty usyný qarastyrylǵan.
Bıznesti júrgizýdi ońaılatý maqsatynda syrtqy ekonomıkalyq qyzmetke qatysýshylar úshin kedendik bajdardy keıin tóleý nemese bólip tóleý múmkindigi usynylady.
Úsh tıpti kýálikti engizýmen ýákiletti ekonomıkalyq operatorlar ınstıtýty jetildirildi.
Birinshi tıpti kýálik Eýrazıalyq ekonomıkalyq odaǵynyń barlyq aýmaǵynda taýarlardyń tranzıti kezinde ońaılatýlardy qoldanýǵa múmkindik beredi.
Kýáliktiń ekinshi tıpi taýarlardy tikeleı Qazaqstan Respýblıkasy aýmaǵynda kedendik tazartý kezinde ońaılatýlardy beredi.
Kýáliktiń úshinshi tıpi ýákiletti ekonomıkalyq operatorlardyń birinshi jáne ekinshi tıpteri úshin usynylatyn keshendi ońaılatýlarmen qoldanýǵa múmkindik beredi.
Eýropalyq odaq elderinde qoldanystaǵy tájirıbege uqsas Qazaqstan Respýblıkasyna keletin, sondaı-aq Qazaqstan Respýblıkasy jáne Eýrazıalyq ekonomıkalyq odaqqa qatysýshy basqa elder arasynda tasymaldaıtyn tulǵalarǵa taýarlardy bajsyz saýda dúkenderinde satý múmkindigine jol beriledi.
Kedendik zańnamanyń barlyq jańashylyqtary men ońaılatýlary syrtqy ekonomıkalyq qyzmetti júrgizýdi jeńildetýmen otandyq ekonomıkany damytý úshin jaǵdaı jasaýǵa arnalǵan.
