İshki saıası qaqtyǵystar
2018 jyly elıtanyń ár túrli toptary arasynda qaqtyǵystar ornaıdy. Bul týraly 365.kz tilshisine saıasattanýshy Dosym Sátpaev málimdedi, dep jazady Qamshy.kz aqparat agenttigi. Al ol qaqtyǵystar 2018 jyldyń qańtarynan-aq bastalyp ketedi.
Saıasattanýshynyń aıtýynsha, ishki elıtalyq urys sońǵy jyldary belgili sebepterge baılanysty aıtarlyqtaı údegen. Olardyń qatarynda «qarjylyq derekterdiń qysqarýyna baılanysty júrip jatqan soǵys» bar. Al budan keıingi kúres tipten kúsheıetin bolady.
«Bul proses jemqorlyqqa qarsy istiń meılinshe kóbeıýine ákelip soǵady. Degenmen, iri laýazymdy azamatqa qatysty jemqorlyqqa qarsy istiń júrýi qoǵam nazaryn ózine birden aýdaratyny belgili», - dedi Sátpaev.
Osy tusta sarapshy «jemqorlyqqa qarsy kúres kúsheıetin bolady» degen Elbasynyń sózin eske aldy.
Sondaı-aq Sátpaev kadrlyq aýys-túıister áli de jalǵasady dep otyr. Eldiń ortalyǵynda ǵana emes, aýdandyq bılik organdary da nazardan tys qalmaıdy. Alaıda saıasattanýshy bul ózgeristerdiń oń nátıje kórsetetinine kúmánmen qaraıdy.
«Kadrlardyń aýysýynan búrokratıalyq apparat jumysynyń tıimdiliginiń artpaıtyny tájirıbeden belgili. Tipti jańa býynnyń ókili kelgenimen, kóbine oǵan artylǵan úmit aqtalmaıdy», - dedi ol.
Syrtqy saıasat
Al syrtyq saıasatqa keletin bolsaq, Sátpaev eń mańyzdy oqıǵa retinde 2018 jyldyń qańtaryna josparlanǵan Nazarbaevtyń AQSH-qa saparyn atady.
«Bul Elbasynyń Amerıkaǵa alǵashqy resmı sapary bolmaq. Onyń ústine kezdesý AQSH tarapynan bolǵan», - dep málimdedi Sátpaev.
Sátpaev bul kezdesýde qandaı máseleniń talqylanýy múmkin ekenin de boljady.
«Qazirgi tańda jahandyq problemaǵa aınalǵan Ierýsalımniń mártebesi sóz bolýy yqtımal. Qazaqstan Izraıldiń astanasyna qatysty Tramptyń bastamasyna qarsy shyqqan memleketterdiń qatarynda. Qazaqstan quramyna musylman memleketteri kiretin ıslam seriktestik uıymynyń jetekshisi bolǵan», - dedi.
Saıasattanýshy taǵy bir mańyzdy taqyrypty atady. Eki prezıdenttiń arasyndaǵy kelissózder qatarynda ekonomıkalyq ózara árekettesý, ınvestısıa jáne munaı-gaz sektory kiredi.
Bul kompanıalardyń keıbiri Nursultan Nazarbaevpen jeke kezdesý uıymdastyrýy múmkin ekenin aıtty Sátpaev.
Qarjy máselesi
2018 jyldyń tańy bir mańyzdy oqıǵasy retinde Sátpaev «Astana» halyqaralyq qarjy ortalyǵynyń jumysyn atady. Ortalyq 1 qańtardan bastap jumys isteıdi dep josparlanǵan.
«Bul ıdeıa turǵysynda áli kúnge deıin talas júrip jatyr. Árkim ár túrli pikir bildirdi. Ýaqyt jaqyndaǵan saıyn kompanıalar men olıgarhtarǵa «memleketke qarjyny qaıtarsyn» úndeýler shyǵa bastady. Úndeý Qazaqstan basshylyǵy tarapynan aıtyldy», - dedi sarapshy.
Sátpaevtiń oıynsha, eger kapıtaldyń jarty bóligi Qazaqstanǵa qaıtsa, birden «Astana» halyqaralyq qarjy ortalyǵyna jóneltiledi.
